Jiyo to aise jiyo

Husainiyo..Husainiyo..(4)
 
Suno husainiyo suno..(2)
Tumhi se ye khitaab hai..(2)
Ye fikr-e-BuTuraab(as) hai..(2)
Jo zulm par khamosh ho..
To zindagi azaab hai..(2)
Chalo Husain(as) tak chalo
Husain(as) hi bataaenge..
Ye zindagi ka falsafa
Husain(as) hi sikhaaenge..
Husain(as) hi sikhaaenge ye zindagi ka falsafa
Husain(as) to bata chuke hain zindagi ka falsafa
Bani hui hai Karbala abhi bhi haq ki rehnuma
Abhi bhi haq ki rehnuma
Banaao Karbala ko sar ka taaj ay Husainiyo..
Jahaa'n mein hoga phir tumhara raaj ay Husainiyo..
 
Jiyo to aise Jiyo..(2) k khud Husain(as) kahe'n..
Haa'n tumhi Husaini ho..(2)
Jiyo to aise Jiyo..(2) k khud Husain(as) kahe'n..
Haa'n tumhi Husaini ho..(2)
 
1) Jiyo to aise k Meesam ki fikr chha jaaye
    Tumhare daur ka marhab bhi tumse ghabraaye
    Yazid(la)-e-waqt tumhare qadam mein aa jaaye
    Jo maut aaye tumhari taraf to tharraaye
    Yazid(la)-e-nau hain jo aewaan unke dhaane hain
    Har ek samt alam Shaah(as) k lagaane hain
 
Jiyo to aise Jiyo..(2) k khud Husain(as) kahe'n..haa'n tumhi Husaini ho..(2)..(2)
 
2) Jahaa'n mein ab bhi hai hal-min ki ik sada sun lo
    Dar-e-Husain(as) se waabasta hai baqa sun lo
    Azaa-e-Sheh(as) pe to Zehra(sa) ki hai dua sun lo
    Na hogi ye to dam-e-hashr bhi fanaa sun lo
    Shahadate'in to hain wirsa naa inse ghabraao
    Gharo'n se sar pe kafan baandh kar nikal jaao
 
Jiyo to aise Jiyo..(2) k khud Husain(as) kahe'n..haa'n tumhi Husaini ho..(2)..(2)
 
3) Janaab-e-Meesam-o-Qambar k hum khayaal bano
    Zameer-o-zarf mein Buzar ki tum misaal bano
    Misaal-e-Hazrat-e-Salman baakamaal bano
    Husainiyat pe bahattar k jaisi dhaal bano
    Shaoor-o-aagahi irfaan ka khayaal karo
    Tum apne ilm se zulmat ka ab qitaal karo
 
Jiyo to aise Jiyo..(2) k khud Husain(as) kahe'n..haa'n tumhi Husaini ho..(2)..(2)
 
4) Ho nasl-e-nau mein bhi ab fikr muntaqil aise
    Namaaz wajhd mein padhte the Murtaza(as) jaise
    Ki raah-e-shaam mein sajjad(as) ne azaa waise
    Bhala namaaz-o-azaa ho gayi juda kaise
    Ibaadato'n k taqaabul ko dur karna hai
    Haa'n nasl-e-nau ko tumhe baa shaoor karna hai
 
Jiyo to aise Jiyo..(2) k khud Husain(as) kahe'n..haa'n tumhi Husaini ho..(2)..(2)
 
5) Siraat-e-haq pe hai chalna Husain(as) ko samjho
    Chalo k maqtal-e-ibn-e-Ali(as) zara dekho
    Husain(as) Noor-e-Kibriya
    Husain(as) Husn-e-Mustafa(saww)
    Husain(as) Aks-e-Murtaza(as)
    Husain(as) Qalb-e-Fatema(sa)
    Hasan(as) k dil ka chain hai
    Husain(as) hi Husain(as) hai..(5)
 
6) Meyaan-e-Karbala khula
    Husain(as) fajr ki baqa
    Husain(as) zohr ki jila
    Husain(as) asr ki nidaa
    Allah-o-Akbar..(2)
    Ye rooh-e-maghrebain hai..(2)

Husain(as) hi Husain(as) hai..(4)
 
7) Hai teen(3) din ka wo pyaasa meyaan-e-Karbobala
    Na bhai bete bhatija koi bhi ab na raha
    Haa'n baal khole hain maqtal mein Fatema Zehra(sa)
    Hai shimr(la) haath mein khanjar liye hue badhta
    Husain(as) sajda-e-Khaaliq mein sar kataate hain
    Khuda ka deen shariyat bachaaye jaate hain
 
8) Khuda ka deen bhi mamnoon ho gaya tera
    Husainiyat k sabab deen-e-Kibriya hai bacha
    Yehi to fakhr hai "Salman Azmi" apna
    Husainiyat se hi "Imran" hai juda rishta
    Husainiyat to jahaa'n se na mit sakegi kabhi
    Duaa-e-Fatema Zehra(sa) hai saayebaa'n apni
 
..............Shukr-e-Maula(as)..............