Awaz do baba muje

Awaz Do Baba Mujhe Awaz Do Baba
Awaz do baba mujhe awaz do baba.....x2

 Ekkiswi ramzan ko...x2
Yeh Zainab ka tha nauha
Awaz do baba........x2

 Amma to gayi chodke, ab aap na jao
Kyu rooth gaye beti se, itna to bata do
Zainab hain bulati tumhe...x2
Kuch bolo khudara
Awaz do baba.....x2

Aankhe to zara kholke dekho meri halat
Chehron pe yateemon ki barasti hui gurbat
Khaaliq ke siwa koi....x2
Nahi aaj hamara
Awaz do baba......x2

Kis tarha se woh eid manayege batao
Malboos bhala kisse mangayenge batao
Jin bachchon ke sarpar na ho.....x2
Maa baap ka saya
Awaz do baba....x2

Tum kitne sakhi ho yeh zamane ko pata hain
Khud pyaase rahe logon ko sairaab kiya hain
Har mod pe dunya ne....x2
Tumhe phir bhi sataya
Awaz do baba....x2

Socho to zara guzregi kya kya mere dil par
Aankhe meri dekhengi bhala kaise woh manzar
Hasnain ke kaandhon pe...x2
Jab utthega janaza
Awaz do baba...x2

 Hasnain ko samjhaye ki Gazi ko manaye
Mujhko kabhi Kulsum ko seene se lagaye
Maa Umme Baneen roti hain...x2
Sar peetke apna
Awaz do baba...x2

Roye mera Shabbir, to behal hain Shabbar
Kya beet gayi dekhiye Kulsum ke dil par
Abbas ke rone se....x2
Tadapta hain kaleja
Awaz do baba....x2

Hain nauha suna aati bilakhti hui aankhe
Kehti hain yeh Allah se, rukti hui saanse
Kyu uth gaya dunya se...x2
Yateemon ka sahara
Awaz do baba...x2

Imran Saeed aao, dua mango khuda se
Bibi ke waseele se hume Shaam bula le
Shehzaadi ke rauze par...x2
Padhe milke yeh nauha
Awaz do baba...x2

Awaz do baba, awaz do baba.....x4