Udaasi chhayi rahi

Udaasi chhayi rahi tere janaze pe HASAN

"Paraye des ke manind lag raha tha WATAN

1. Hadaf na apne sitam ka ise banao ruko..
Lab-e-HUSSAIN pe jaari raha ye gham ka SUKHAN

2. Chalaye teer janaze pe ahle yasrab ne..
Lahu me gharq hai dekho badan bhi aur KAFAN

3. Rasool e Paak bhi zer e Lahad tadapte hai'n..
Jo tujhpe teero ki baarish hui hai Haaye HASAN

4. Hussain aaj hai tanha sambhal lo ghazi...
Hasan hue hai juda dil me mustakil hai chubha'n

5. Kabhi Na Aisa Janaza kisi ne dekha hai.
Ki paash paash kaleja bhi aur Zakhmi BADAN

6. Ajeeb haal me wapas janaza aaya hai..
Bhare hai teer janaze me gharq e khoon hai TAN

7. Kareeb e binte ali is kadar sitam pahucha
Yaqee'n huwa hai ki Haatho'n me hogi jald RASAN

8. "Shabih" aaj hain girya kuna zamee'n o falak
Haram huwe hai'n Azadar mehwe Ranj o mahan