HUSAIN AS-SALAAM

HUSAIN AS-SALAAM

HUSAIN BE-KAFAN, HUSAIN BE-WATAN, HUSAIN BE-KHATA, QATEEL E NAINAWA

Salaam tujpe ali O batool ke pyaare

salaam tujpe khuda o rasool ke pyaare

SULAGTI RET pe teero pe jo kiya sajda

bacha gaya hai shariat ko wo tera sajda

zamana laakh chupaaye teri haqeeqat ko

magar ye sach hai jila tune di shariat ko

tere hi dum se khuda ka kalaam baaqi hai

tere hi dum se mohammad ka naam baaqi hai

yazeed deen ko mitane jo pur fitan nikla

tu sar se baandhe kafan chod kar watan nikla

tujhe na chain se rehne diya madine me

ya zakhm ab bhi buka kar rahe hai seene me

kabhi jo chashme tasavvur gayi hai karb o bala

to maine dasht ka manzar lahu lahu dekha

kisi zaeefa ke maqtal me bain goonj uthe

main tere khushk gale par fida mere bacche

ye wo zaeefa thi jisko batool kehte hai

jigar ka tukda jise khud rasool kehte hai

zamine garm ko baalon se saaf karti thi

tadap ke roti thi aur marsiya ye padhti thi

jafa ke dasht me teeron ki jaa namaaz bichi

aur uspe sibte payambar ne wo namaaz padhi

wuzu lahu se kiya jo ke bandh tha paani

ye wo namaaz hai jiska nahi koi saani

ali ne khuld me rokar roohe hasan dekha

jo tujko dhoond ke jangal me khaimagan dekha

faras ki pusht pe teero pe jab badan dekha

abu turab ke lab par yahi sukhan aaya

jab talak thi wafa zindagi likhi safdar

karega zikr tera teri shayari safdar

har ek bashar per tera aaj hai ye karz husain

ke teri majlis o maatam hai hum pe farz husain