PYason Se Zyada Door NA tha

pyaso se zyada door na tha behte huwe darya ka pani

na kaamiye qismat kya kahiye paaya na magar khatra pani

pyase jo rahe chaubees pehar loo dhoop may yun sookha pani

roye to lahoo aaya behkar aankhon may na tha khatra pani

pyaso se zyada....

asghar ne badi umeedon se moo khola magar lab tar na huwe

bache ke liye allah allah tha jaan se bhi mehenga pani

pyaso se zyada....

waada jo kiya tha maadar se wo aun o mohamed karke rahe

behta tha barabar may darya mudkar na magar dekha pani

pyaso se zyada....

pyaso ke muqaddar may hi na tha pani ka koi kahtra shayad

abbas ne de di jaan magar qaimay may nahi pahuncha pani

pyaso se zyada....

ashoor ko jalti reti par pyasa tha mohamed ka dilbar

har roz qayamat tak bhi agar kya fayeda barsa pani

pyaso se zyada....

abbas ke honton ke chaalay kehte hai imame bekas se

qabze may tha ghazi ke darya lekin na piya khatra pani

pyaso se zyada....

kuch is se zyada ho na saka majboor tha darya kya karta

pani ke liye tadpe asghar, asghar ke liye tadpa pani

pyaso se zyada....

pathar ke jigar bhi aab huwe maqtal may nisar aada roye

honton pe phira kar apni zaban baysheer ne jab maanga pani

pyaso se zyada....