Haye Zainab Ro Rahi Hai

haaye zainab ro rahi hai karbala khamosh hai
jal gaye hai saare khaime, al-qama khamosh hai
haaye zainab ro rahi hai....

chin gayi sar se hai chaadar, kya kare binte ali
us taraf darya kanare ba-wafa khamosh hai
haaye zainab ro rahi hai....

aagayi sham-e-ghareeba, ho gaye qaidi haram
aabile paaon ke rowe raasta khamosh hai
haaye zainab ro rahi hai....
___________________________________________________

andhera phail gaya bujh gaye charaagh tamaam,
shaheed hogaye sipt-e-nabi ke laal-o-bam
ridaaen cheen ne jis waqt fauje shaam badi,
labo pe zainab-e-mustar ke tha hussain ka naam
___________________________________________________

ab kahan zainab ko chain aayega akbar ke baghair
khaake barchi akbar-e-gulbuqaba khamosh hai
haaye zainab ro rahi hai....

kaise guzregi rasan-basta sare maqtal behan
be-kafan bhai hai ran may be-rida khamosh hai
haaye zainab ro rahi hai....
___________________________________________________

ab koi rota hi nahi ashkon ka darya beh gaya,
sirf ronay ke liye zainab hai raah-e-shaam may
taaziyane maarte hai ashkiyan sajjad ko,
koi bhi insaan nahi baakhi sipaahe shaam may
___________________________________________________

ro chuki  zainab bhare ghar ko sar-e-karbobala
karbala se shaam tak saari faza khamosh hai
haaye zainab ro rahi hai....

hai qalam ki nok may aansu ghame shabbir ke
arsh pe rehaan shah-e-ambiya khamosh hai
haaye zainab ro rahi hai....