Nade ali

Ya ali..(10)
Ya ali madad..(2)
Mushkil me hai mushkil se ye bachne ka saliqa..(2)
hai roze azal se  yahi nabiyo ka wazifa
ali ya ali..(4)
naade aliyan mazharal ajaeb..(4)

1. Pehra ilahiyaat pe nade ali ka hai
ek khauf mushkilaat pe nade ali ka hai
saaya ajaebaat pe nade ali ka hai
ehsaan kayenaat pe nade ali ka hai
hai wird dhadkano ka yahi ya ali madad
nade ali se waqf bani ya ali madad
ali ya ali..(4)

2. Wo kaun hai ali ne kaha hai jise ali
jiske qadam qadam se lipat kar wafa chali
jisne sipahe shaam se har saans cheenli
ummul bani ka chaand wo waliyo ka hai wali
kehti hai karbala ye ta'arruf usi ka hai
abbas naam dusra nade ali ka hai
abbas alamdar..(2)
abbas alamdar shehenshahe madina
abbas alamdar..(2)

3. Bedast jab ye sher gira farsh e khaak par
khaime ki simt sharm ke maare na ki nazar
ek aah bhari aur, kaha aaqa alvida
kehne lage husain kamar apni thaam kar
naade aliyan..

4. Us din laraz rahe the zameen aur aasmaan
khaime se dekhti rahi kadiyal jawa ki maa
sheh khaichte the sinae akbar se jab sina
bano ke kaanpte hue hoto'n pe tha rawaa
naade aliyan..

5. Dhalne lagi jo daste musibat me dopahar
sajde me the husain sitamgar tha pusht par
ek bibi thi tawaf jo karti thi nange sar
zainab tadap ke reh gayi manzar ye dekh kar
ankho me bekasi ka andhera sa chhaa gaya
besakhta zabaan pe zainab ki aagaya
naade aliyan..

6. Tey hai ye baat mir takallum wo aaenge
naade ali ka daur jaha ko dikhaenge
jis roz izn fatema zehra ka paenge
maula ye keh ke pardae ghaibat uthaenge
awwalona mohammad
awsatona mohammad
akheruna mohammad
wa kulluna mohammad
man kunto maula hu fahaza aliyun maula..(2)
ali ya ali ..(3)