Mera bhai abbas

Ya Abbas(as).....(8)
 
Hukm-e-Aaqa na mila..kaise karta wo wigha..Mera Bhai Abbas(as)..(2)
 
Hogaye haath qalam..wo tha paaband-e-wafa..Mera bhai Abbas(as)
 
1) Paani chullu mein liya aur phir phek diya..
    Apne lab tar na kiye alqama dekh zara..
    Isko kehte hain wafa..marhaba swalle alaa..mera bhai Abbas(as)
 
Hukm-e-Aaqa na mila..kaise karta wo wigha..Mera Bhai Abbas(as)
 
2) Dosh pe mashk-o-alam bar sar neher qadam..
    Fauje tharraane lagi mauj ka ruk gaya dam..
    Mashk jab bhar k chala..Haider-e-Karbobala(as)..mera bhai Abbas(as)
 
Hukm-e-Aaqa na mila..kaise karta wo wigha..Mera Bhai Abbas(as)
 
3) Wo alamdaare jari qaamat-o-Aks-e-Ali(as)..
    Ghar se betegh chala bekhatar mashk bhari..
    Pyaase bachcho'n ne kaha dekho aate hain chacha..mera Bhai Abbas(as)
 
Hukm-e-Aaqa na mila..kaise karta wo wigha..Mera Bhai Abbas(as)
 
4) Tegh Sheh(as) par na chali meri chadar na chhini..
    Uske parcham ki qasam sabki dhaaras thi bandhi..
    Koi khaima naa jala jab talak zinda raha..Mera bhai Abbas(as)
 
5) Dur Sakina(sa) k chhine aur tamaache bhi lage..
   Aag daaman mein lagi jaa ba jaa zulm hue..
   Jab wo ghode se gira ek kohraam utha..Mera Bhai Abbas(as)
 
Hukm-e-Aaqa na mila..kaise karta wo wigha..Mera Bhai Abbas(as)
 
6) Jhuk gai Sheh(as) ki kamar jab wo Hashim ka qamar..
    Hoke bedast gira aur shikasta hua sar..
    Ghash hue ehle haram karke faryaad-o-buka..Mera Bhai Abbas(as)
 
Hukm-e-Aaqa na mila..kaise karta wo wigha..Mera Bhai Abbas(as)
 
7) Wo ghulaam-e-Shah-e-dee'n(as) is qadar tha wo hasi'n..
    Chaand tha khaak-e-qadam arsh tha zer-e-nagi'n..
    Uska seena tha sadaf qalb tha Noor-e-Khuda..Mera Bhai Abbas(as)
 
Hukm-e-Aaqa na mila..kaise karta wo wigha..Mera Bhai Abbas(as)
 
8) Haaye "Rehaan"-e-hazi'n dil ko kaise ho yaqi'n..
    Wo sakhi ibne sakhi ab wo duniya mein nahi..
    Hoke bedast bhi jo sabko karta hai ataa..Mera Bhai Abbas(as)
 
Hukm-e-Aaqa na mila..kaise karta wo wigha..
Mera Bhai Abbas(as)..(3)
 
..............Shukr-e-Maula(as)..............