Haye abbas-e-jari

HAAI ABBAS-E-JARI SHERE ALI BHI NA BACHA
ASR-E-AASHOOR KO KHANJARE TALE SHAI KI THI SADA…….

WO SAKHI SHER JARI GHAZI TAMANNA-E-ALI
BANI HAASHIM KA QAMAR BABE HAWAIJ HAI WAHI
WO DUA FATHIMA KI AUR HAI HYDER KI SHABI
SHAI KE LASHKARKA ALAMDAAR WALI IBNE WALI
YAHI ALFAAZ KEHKE HIL RAHE THE ARZO SAMA…

LABE DARIYA PE BHI PYASA HI WAFADAR RAHA
HAAI NAULAAKH  KE NARGE ME ALAMDAAR RAHA
HAATH ME TEER NA SHAMSHEER NA TALWAAR RAHA
MASHQ THI AUR ALAM TANHA ALAMDAAR RAHA
YAAD KARTI HAI WO MANZAR KO ALQAMA KI FIZA….

GAR WO HOTA TO SAKEENA NA TAMACHE KHAATI
GAR WO HOTA TO NA CHINTI THI RIDA ZAINAB KI
GAR WO HOTA TO BIBIYAN NAHI BANTI QAIDI
AUR AULADE ALI PAR NA MUSIBAT PADTI
QAIME JALNE LAGE TO ROKE YE ZAINAB NE KAHA…..

CHIDGAYI MASHKE SAKEENA DONO BAZU BHI KATE
AAB KE SAATH HI ABBAS KE ARMAAN LUTE
HAAI BEDAST HUE ZEEN PE KAISE SAMBHLE
KHOO SE TAR SAARA BADAN KAUN MADAD KO AAYE
THARTHARATI HI RAHI TAB SE ZEENE KARBOBALA…..

JIS GHADI BINTE SHEH KE CHEENE GAYE THE GAUHAR
KAUN DE HAUSLA AB KAUN BACHAYE AAKAR
NEEL RUQSAR HUE GHAM SE TADAPTI MUZTAR
ZULM KARTA THA SHIMR HAAI WO YATEEMA PAR
SAR KO DEEWARO SE TAKRAKE SAKEENA NE KAHA……

HOTE ABBAS TO QAIME NA JALAATA ZAALIM
PYAASE SHABBIR PE QANJAR NA CHALAATA ZAALIM
SHEH KE KUNBE KO RULAATA NA SATAATA ZAALIM
AUR BEEMAR KO DURRE NA LAGATA ZALIM
ROKE DARBAR ME ZAINAB NE BIBIYON SE KAHA…….

HAAI CHALNE LAGI PYASE KE GALE PAR QANJAR
FATHIMA NAUHAKUNA GIRYAKUNA HAI HYDER
QAAK UDAATE THE HASAN RORAHE THE PAIGAMBER
QATM NAUHA HUA ALTHAF –O-AAGHA YE KEHKAR
HOTE ABBAS TO PYAASE KA GALA NA KAT TA……