So jao sakina

Seena tumhe'n baba ka, na ab hoga mayassar, aaram kahan paogi, chainaaye kyun kar, jalti howi reeti ka hai, bistar he muqadar, rukhsaaro'n ko sehla ke yeh kehne lagi maadar, sojao sakina, math roona sakina, sojao sakina.

sojao sakina2 math roona sakina, sojao sakina.1(x2)

1.jagi huwi ho shame gariba'n ki sakina,
jis rooz howa tum se juda baap ka seena, ekk lamha sone na diya shimre kamina, hai dour bahut dour bahut dour madina.
sojao sakina2 math roona sakina, sojao sakina.1

2.sojao sakina abhi koso'n ka safar hai, bakhi abhi kanto'n bhari raho'n ka safar hai, pur haal biyaa'n baa'n hai andhen ro'n ka safar hai, har eek kadam aankho'n se ashko'n ka safar hai.
sojao sakina2 math roona sakina, sojao sakina.1

3.kuch der to lelo meri jaa'n chain ki sanse, paidal hi tumhen chalna hai pathrili hai rahen, sholo'n ko ugalti hai zamee'n garm hawae'n, hain taak me har mood pa hain gaam jafaien.
sojao sakina2 math roona sakina, sojao sakina.1

4.sehna hai abhi shimr ke durron ki aziyath, hai sham ki galyo'n me musibath hi musibath, aur sar se guzarjaaye gi suraj ki tamazath, ekk lamha suko'n degi na zindaan ki dehshath.
sojao sakina2 math roona sakina, sojao sakina.1

5.Maa beith nahi sakti hai aaghosh me lekar, hatho'n ko pase pusht laeen bandhen hain kas kar,majbour hai majbour hai majbour hai madar, kismath me tumhari hai yehi khaak ka bistar.
sojao sakina2 math roona sakina, sojao sakina.1

6.main khaak pa soo sakti nahi aye meri madar, nazuk hai mera jism mujhe chubhte hain kankar, kis tarha se neend aayegi takya hai na bistar, amma mujhe batlaiye main soongi kyun kar.
sojao sakina2 math roona sakina, sojao sakina.1

7.phir kabr me be chain hai shabbir ki pyari, hai zahid-o-shahkar udasi hi udasi, kal jis tarha tanhai thi tanhai hai abbhi, aati hai sada aaj bhi ekk dukh bhari maa ki.
sojao sakina2 math roona sakina, sojao sakina.x1