Sar peet kar basheer kehta hua chala

LOGON MADEENA REHNE KE KHAABIL NAHI RAHA

1. ROTE HUE BASHEER NE ELAAN YE KIYA
MAARE GAYE HUSSAIN PAYAMBAR KA GHAR LUTA
QAIDI BANAYA AALE MOHAMMED KO BE KHATA
WAPAS WATAN KO AAYE HAIN BEEMARE KARBALA
LOGON MADEENA REHNE KE QAABIL NAHI RAHA

2. BE DAST NEHER PAR HUE ABBASE BAWAFA
NAIZA SHABEEH E AHMED E MUKHTAAR KO LAGA
BESHEER KE GALE PE BHI TEERE SITAM LAGA
PAAMAL RAN ME QAASIME NOUSHAAH HOGAYA
LOGON MADEENA REHNE KE QAABIL NAHI RAHA

3. JEE BHAR KE ZAALIMON NE SATAYA HUSSAIN KO
PYASA KIYA SHAHEED SHAHE MASHRAQAIN KO
PANI DIYA NA FATHIMA KE NOORE AIN KO
PYAASE GALE PA SHIMR NE KHANJAR CHALA DIYA
LOGON MADEENA REHNE KE QAABIL NAHI RAHA

4. SHAAME GHAREEBAAN EK QAYAMATH HUI BAPA
ASBAAB SARA LOOT LIYA GHAR BHI JALA DIYA
CHEENI HAI SAR SE ZAINAB-O-KULSOOM KI RIDA
AALE NABI KO QAID KIYA WAA MUSIBATA
LOGON MADEENA REHNE KE QAABIL NAHI RAHA

5. QAIDI BANAYA ZAINABE  MUZTAR  KO AL-AMAA'N
AUR BE KAJAWA OONTON PE THI SAARI BIBIYAA'N
PEHNE HUE THE SAYYAD-E-SAJJAD BEDIYAA'N
AHLE HARAM KA QAAFILA BAZAAR  ME GAYA
LOGON MADEENA REHNE KE QAABIL NAHI RAHA

6. QABRE RASSOL HILGAYI ZAINAB NE JAB KAHA
NANA TERI NAWASI KE SAR PAR NA THI RIDA
DARBARE SHAAM ME HAMEN LE JAAKE BE KHATA
UMMAT NE QOOB AJRE RISAALAT ADAA KIYA
LOGON MADEENA REHNE KE QAABIL NAHI RAHA

7. MAQBOOL  HO HILAAL AUR REHAN KI DUA
NASLO'N ME APNI BAAQI RAHE GHAM HUSSAIN KA
DETI RAHE DUAYEIN HAMEN BINTE MUSTAFA
SAAMAN HO YE HASHR ME APNI NIJAAT KA
LOGON MADEENA REHNE KE QAABIL NAHI RAHA

SAR PEETKAR BASHEER YE KEHTA HUA CHALA
LOGON MADEENA REHNE KE KHAABIL NAHI RAHA