Maara rula rula ke mere jadd husain ko

Mere jadd hussain ko
maula hijaab e ghayb mein padte hai marsiya..(2)
maara rula rula ke mere jadd hussain ko

Ek dopahar mein haaye bhara ghar ujad gaya
maara rula rula ke mere jadd hussain ko
maula hijaab e ghayb mein padte hai marsiya..(2)

maara rula rula ke mere jadd hussain ko

1. Karte the roz jadd ki ghareebi pe shor o shayn
awaaz gunjti hai feza mein hussain hussain
kaise wo kalma go the unhe aayi na haya..(3)
maara rula rula ke mere jadd hussain ko
maula hijab e ghayb...

2. Dhoka diya bulake shahe mashraqayn ko
jungle mein laaye gher ke dushman hussain ko
tha dushmano mein chaaro taraf se ghira hua..(3)
maara rula rula ke mere jadd hussain ko
maula hijab e ghayb...

3. Shiddat ki tashnagi thi woh manzar ajeeb tha
pyaasa kaee dino ka tha darya qareeb tha
woh paani mangta raha paani nahi diya..(3)
maara rula rula ke mere jadd hussain ko
maula hijab e ghayb..

4. Tanha tha rann mein jadd mera aur gird fauje shaam
roye dahade maarke kehte hue imaam
zakhmo se choor choor tha ghode pe jhoomta..(3)
maara rula rula ke mere jadd hussain ko
maula hijab e ghayb..

5. Laasho pe laashe subha se kyu kar uthate the
fir kaise khaima gaah tak wo rann se jaate the
rote hai yaad karke yeh ghaibat mein maajra..(3)
maara rula rula ke mere jadd hussain ko
maula hijab e ghayb..

6. Jalti zamee'n pe laasha tha urya pada hua
sar tha sina ki nok pe jadd ka chadha hua
manzar ye khoo'n ke aasu rulata hai baar ha..(3)
maara rula rula ke mere jadd hussain ko
maula hijab e ghayb..

7. Haatho se pakde rote hai kehkar yehi jigar
unnees so the zakhm tane paash paash par
aankho'n mein saara firta hai wo ghum ka maajra..(3)
maara rula rula ke mere jadd hussain ko
maula hijab e ghayb..

8. Jis dum gire zameen pe ghode ki zeen se
haaye ghazab wo uth na sake fir zameen se
sukhe gale pe shimr ne khanjar chala diya..(3)
maara rula rula ke mere jadd hussain ko
maula hijab e ghayb..

9. Haye haye thame na baade shahadat wo behaya
ghodo ki naal bandi ka bus hukm hogaya
laasha bhi haaye ghodo se pamaal hogaya..(3)
maara rula rula ke mere jadd hussain ko
maula hijab e ghayb..