Acha mai na roungi

Dhao na sitam mujh par, accha mai na roungi
bibi ne kaha dar kar, accha mai na roungi
dhao na sitam...

1. Is eid pe baba ne chahat se pinhaye the..(2)
cheeno na mere gauhar, accha mai na roungi

2. Be parda rahegi to marjayegi saidani..(2)
luto na meri chadar, accha mai na roungi

3. Mu par laga hai khoon dho lungi mai ashko se..(2)
baba ka mujhe do sar, accha mai na roungi

4. Halat hai buri meri mai soi nahi kab se..(2)
lejao na yu dar dar, accha mai na roungi

5. Sajjad ki godi mein sar rakhke ba dardo aas..(2)
kehti thi yehi muztar, accha mai na roungi

6. Raho mein jo aata tha ghar yaad to kehti thi..(2)
jaane do mujhe ab ghar, accha mai na roungi

7. Kuch itna andhera tha zinda mein zafar haaye..(2)
kehti hi rahi darr par,  accha mai na roungi

Dhao na sitam mujh par, accha mai na roungi