Karbala jaana

Karbala jaana, karbala jaana..(2)
Kyu itne pareshaa'n ho
aye sheh ke azadaro'n
kyu thamte nahi aa'nsu
kyu chaak gareeba ho
jo kaabe ka kaaba hai
wo aap ka maula hai
wo izn e safar dega
koi nahi rokega
udte chale jaoge, aisa sukoo'n paoge
ghum apne bhulaoge..(2)
Dilo ka dard bataana...
sab apna haal sunana
Karbala jaana, karbala jaana..(4)
suno tum karbala jaana

1. Laraib yehi sach hai jo karbala jaate hai
wo khud se nahi jaate shabbir bulate hai
na ye ke bulate hai mehmaan banate hai
mehmaan banate hai..(2)
naseeb apna jagana...(2)

Karbala jaana, karbala jaana..(3)
suno tum karbala jaana

2. Dil jab ke ziyarat ko har waqt tadapta hai
ek aisa waseela hai radd ho nahi sakta hai
ghazi ke waseele se, kya kuch nahi milta hai
kya kuch nahi milta hai..(2)
alam jari ka uthana..(2)

Karbala jaana, karbala jaana..(3)
suno tum karbala jaana

3. Imam e jafar e sadiq ne hai ye farmaya
hamare jadd ki ziyarat ko tark naa karna..(2)
namak se rotiya khana..(3)

Karbala jaana, karbala jaana..(3)
suno tum karbala jaana

4. Tum kaun ho rutbe ko..(2)
khud apne zara samjho
shabbir ke naukar ho dar dar pe nahi bhatko
duniya se kabhi koi ummeed nahi rakho
ummed nahi rakho..(2)
mile na koi thikana..(2)

Karbala jaana, karbala jaana..(3)
suno tum karbala jaana

5. Duniya pe nahi rona ye ashk bhi ne'mat ha
ho farsh e azaa par to jannat ki zamanat hai
aa'nsoo ye azadaro zehra ki amanat hai
zehra ki amanat hai..(2)
liye hue ye khazana..(2)

Karbala jaana, karbala jaana..(3)
suno tum karbala jaana

6. Suno mai tumko batata hu karbala kya hai
ye mariya hai, ye nainawa hai, ye karbala hai
ye karbala hai, ye karbala hai, ye karbala hai
Ye karbala hai jaha'n lut gaya rasool ka ghar
phir ek baar jalaya gaya batool ka ghar
 
jaha'n hussain the pyaase
haan karbala wo hai
har ek simt the laashe
haan karbala wo hai
gire zameen pe Akbar
haan karbala wo hai
tadap gaya jaha'n Asghar
haan karbala wo hai

Jaha'n pe hogaya tukde hai Qasim e mazloom
sitam ki hadd abhi tumko kaha'n hui maloom

Yaha'n pe teer chale
Yaha'n pe baazu kate
yah'n pe khaime jale
yaha'n lutey parde

Badan hue sabhi pamaal aaye naizo'n pe sar
na apne bhai ko ro paayi ek behen muztar

Palti hai bahan jis dum zinda se riha hokar
Chehlum ki hui majlis shabbir ki turbat par
haan sunnate zainab hai ye farsh e ghum e sarwar
ye farsh e ghume sarwar..(2)
azaa ka farsh bichana..(2)

Karbala jaana, karbala jaana..(3)
suno tum karbala jaana

7. Duniya se mile har dum ghum uske gharane ko
deta hai khushi lekin wo saare zamanae ko
darr usse nahi behtar ghum apne bhulane ko
ghum apne bhulane ko..(2)
ghumo ko apne bhulana.(2)

Karbala jaana, karbala jaana..(3)
suno tum karbala jaana

8. Khushiyo'n ka manana bhi fitrat ka taqaza hai
sughra ne magar kaise khushiyo'n ko manaya hai
sughra ko jo kunbe ka pursa tumhein dena hai
pursa tumhe dena hai..(2)
ek eid aise manana..(2)

Karbala jaana, karbala jaana..(3)
suno tum karbala jaana

9. Salman ko meesum ko ghum uska rulata hai
ek aisi yateema hai jo shaam mein tanha hai
tiskeen e dile sarwar, shehzadi ka nauha hai
shehzadi ka nauha hai..(2)
ghum e sakina sunana..(2)

Karbala jaana, karbala jaana..(3)
suno tum karbala jaana