Farsh e azaa

YA HUSSAIN YA HUSSAIN A.S
YA HUSSAIN YA HUSSAIN YA HUSSAIN A.S....(2)
                         
FARSHE AZA DILON MEIN APNE BICHAHNE WALE..(2)
KARBOBALA CHALE HAIN CHEHLUM MANANE WALE...

FARSHE AZA DILON MEIN APNE BICHAHNE WALE..(2)

Shale aza galon mein  sab mard o zan hain dale
Himmat badha rahe hain  pairon mein padte chahle
Pyase rawan dawan hain pani pilane wale..

FARSHE AZA DILON MEIN APNE BICHAHNE WALE..(2)

Na bhook se gharaz hai  na pyas se ilaqa
Labbaik ya hussaina honton pa hai ye nara
Salare qafila hain nohay sunane wale..

FARSHE AZA DILON MEIN APNE BICHAHNE WALE..(2)

Kuch sheer khwar bacche godi mein leke maayen
Asghar ki tashnagi per bharti chali hain aahen
Ab haat matami hain jhoola jhulane wale..

FARSHE AZA DILON MEIN APNE BICHAHNE WALE..(2)

Ashkon ki hain sabeelen ghazi ko yaad karke
Saqqa bane huwe hain kuch chohte chohte bacche
Asghar ko dhoondte hain jhoolon mein sone wale..

FARSHE AZA DILON MEIN APNE BICHAHNE WALE..(2)

Boodhe hon ya jawan hon sab hain alam uthaye
Asbab bech ker jo karbobala hain aaye
Zanjeer zan hain sare ansoon bahane wale

FARSHE AZA DILON MEIN APNE BICHAHNE WALE..(2)

Chal ke najaf se paidal pahunche hain karbala tak
Pairon mein leke chahle pahunche hain alqama tak
Khake shifa ka marham sab hain lagane wale..

FARSHE AZA DILON MEIN APNE BICHAHNE WALE..(2)

Zehra ko denge pursa abbas e bawafa ka
Rozay pa shahe deen ke majlis karenge barpa
Wada nibha rahe hai wada nibhane wale..

FARSHE AZA DILON MEIN APNE BICHAHNE WALE..(2)

Nohay ki shakl mein ab qasim ka padhke sehra
Sholon pa chal ke sabko kehna hai dulha dulha
Hairan ho rahe hain sare zamane wale..

FARSHE AZA DILON MEIN APNE BICHAHNE WALE..(2)

Ansare shahe deen ka chehlum zaroor hoga
Abid ki rooh aaker roker padegi noha
Majlis bapa karenge zindan se aane wale..

FARSHE AZA DILON MEIN APNE BICHAHNE WALE..(2)

Zainab salam karne aaengi zayeron ko
Dengi duayen zehra saare musafiron ko
Ansoon chunengi saare ankhon se girne wale..

FARSHE AZA DILON MEIN APNE BICHAHNE WALE..(2)

Wo aun aur mohammed royei na jinko madar
Aaghosh mein liye thi zainab to lashe akbar
Unka bhi hoga chehlum aaeye hain aane wale..

FARSHE AZA DILON MEIN APNE BICHAHNE WALE..(2)

Hoga zaroor chehlum tera bhi aey sakina
Tu karbala na aaeye mohlat tujhe mili na
Rehan roenge sab likhne likhane wale...

FARSHE AZA DILON MEIN APNE BICHAHNE WALE..(2)