Mojiza haq ka zamane ko dikhate hai hussain

(HAAYE HUSSAIN, HAAYE HUSSAIN, YA HUSSAIN)2x

MOJIZA HAQ KA ZAMANE KO DIKHATE HAI HUSSAIN,
QATL KE BAAD BHI QURAAN SUNATE HAI HUSSAIN...

AAJ DEKHEGA JAHAN HUSNE HAQIQI KA JAMAAL,
MOUT KO ZIST KI POSHAK PINHATE HAI HUSSAIN...

AAJ MAQTAL MEIN HAYATE ABBADI BATT TI HAI,
ZINDAGI TUJH KO NAYI RAH DIKHATE HAI HUSSAIN...

LASHE AKBAR PE KIYE HAMD KE KALME JAARI,
DEHER KO SHUKR KA ANDAAZ SIKHATE HAI HUSSAIN...

AAJ KHANJAR KE TALE SAJDAYE MOULA KARKE,
BANDAGI DEKH TERA NAAZ UTHATE HAI HUSSAIN...

KARBALA WALO SE PUCHHO TO KAHEGA HAR EK,
YUN SAMA JAATE HAI, DIL SE NAHI JAATE HAI HUSSAIN...

JIS KE BUJHNE SE BHI MEHFIL SE UJAALA NA GAYA,
DIL KO US SHAMMA KA PARWANA BANATE HAI HUSSAIN...

HOSAKE NOORE ILAHI KA AHATA KYU KAR,
AQL CHAAHE TO BHI KAB USME SAMATE HAI HUSSAIN...

ROUZAE SHAH SE HALMIN KI SADA UTHTI HAI,
AB BHI SOI HUI DUNIYA KO JAGATE HAI HUSSAIN...

NOOR HI NOOR HAI JALTI HAI BAHATTAR SHAMME,
DASHT KO MATLAYE ANWAAR BANATE HAI HUSSAIN...

KARBALA KYU NA NAQI AHLE TAWWALA JAAYE,
EK TO JANNAT HAI WO AUR US PE BULATE HAI HUSSAIN...

YA HUSSAIN YA HUSSAIN...