Qasim ka lasha run mein ajab haal mein mila

Qasim ka lasha ran mein ajab haal mein mila

Aayi sada jo shah ko us tashnakam ki
charo taraf se hota hai humla mere chacha

Pohche hussain lasha e qasim pe jis ghadi
bikhra hua zameen pe tha naushah e karbala

Sar ko jhuka ke kehte the qasim ki lash par
sharminda hu mai teri madad ko na aa saka

Qasim ke tukde chunte the ro ro ke shahe deen
sheh ko dilasa dete the abbas e bawafa

Qasim ki laash laaye hai jab khaimagah mein
Ahle haram mein rone ka ek ghul hua bapa

Farwa se roke kehte khaime mein ye hussain
bhabhi tumhara ladla maida'n se aagaya

Zainab nishani bhai ki mitti mein milgayi
bhai hasan ka laal bhi pamaal hogaya

Beti se roke kehte the ye sarwar e hazeen
kubra tumharan wali jaha'n se guzar gaya

Tujhko duaein deti hai farwa bhi musavi
tu ne jo uske laal ka nauha jo ye kaha