Musalle pe akbar ki maa ro rahi hai

Labo'n se nikal kar azaa'n ro rahi hai
musalle pe akbar ki maa ro rahi hai

1. Abhi to gaya bhi nahi ran mein akbar
abhi dil hai akbar ka seene ke andar
magar phir bhi noke sina ro rahi hai
musalle pe akbar ki maa ro rahi hai

2. Aye naazo ke paale zara tu theher jaa
ke zainab sajale tere sar pe sehra
ke aun o mohammad ki maa ro rahi hai
musalle pe akbar ki maa ro rahi hai

3. Nabi dekhte hai falak se ye manzar
safo mein khade sab namazi hai muztar
imamat liye hichkiya'n ro rahi hai
musalle pe akbar ki maa ro rahi hai

4. Waha'n par madine mein roti hai sughra
yaha'n par sakina ke labb par hai nauha
behen ek yaha'n ek waha'n ro rahi hai
musalle pe akbar ki maa ro rahi hai

5. Dua kar rahi hai ye karbal mein laila
na maut aaye akbar ko mere khudaya
wo le leke bus hichkiya'n ro rahi hai
musalle pe akbar ki maa ro rahi hai

6. Madine me akbar jaha'n se chale hai
zamee'n pe qadam ke nisha'n wo pade hai
behen dekhkar kuch nishaa'n ro rahi ai
musalle pe akbar ki maa ro rahi hai