Ya baabe hawaej asghar

Ya Baab e Hawaij...(2)
Chhote Hazrat ke Bhateeje, Chhote Shehzade mere...(2)
Chhote Shehzade mere, Baab e Hawaij Asghar ...(2)
Poori Kar do yeh dua
Meri haajat ho rawa
Khatm ho gham ka safar...

Chhote Shehzade mere, Baab e Hawaij Asghar....(2)

(1) Tere jhoole ko banaya hain waseela Maula
Aansuon se tujhe likhte Hain areeza Maula
Bas haqeeqat hain yahi
Maula mumkin hain sabhi
Aap chahein ho agar...Baab e Hawaij Asghar

Chhote Shehzade mere, Baab e Hawaij Asghar..(2)

(2) Chhe Moharram ko jo uthta Hain tumhara jhula
Muntazir rehte Hain uss din ke liye Ahl e Aza 
Maangte hain yeh dua
Kar de aulaad ata
Mere Maula ke pisar ....Baab e Hawaij Asghar

Chhote Shehzade mere, Baab e Hawaij Asghar...(2)

(3) Girwi karte hain yoo bacchon ko tete jhule se
Doriyan baandh ke karte hain hawale tere
Hain zamaanat me teri
Matami bacchein sabhi 
In pe rakhiyega nazar.....Baab e Hawaij Asghar

Chhote Shehzade mere, Baab e Hawaij Asghar...(2)

(4) Jo jhulati azakhanon me jhula khali
Jholiyan rakhna na un maaon ki Maula khali
Aisi aulaad mile 
Naukri teri kare
Itna ehsaan toh kar.....Baab e Hawaij Asghar

Chhote Shehzade mere, Baab e Hawaij Asghar....(2)

(5) Paayi Fitrus ne jo Shabbir ke jhule se shifa
Tera gehwara bhi karta hain zamaane ko ata
Aye Sakhi Ibne Sakhi
Chhe mahine ke Ali 
Hain sakhi aap ka ghar... Baab e Hawaij Asghar

Chhote Shehzade mere, Baab e Hawaij Asghar...(2)

(6) Chahe kamsin ho magar bhai toh hota hain bharam
Sar pe behnon ke salamat rahe bhai har dam
Kijiye apna karam
Hain Sakina ki qasam
Baagh e Zahra ke shajar.... Baab e Hawaij Asghar

Chhote Shehzade mere, Baab e Hawaij Asghar...(2)

(7) Hosla humko bhi kar de wohi mushkil me ata
Azm jo tune dikhaya tha sar e Karbobala
Teer gardan pe laga
To diye Ahl e jafa
Aap roye na magar....Baab e Hawaij Asghar

Chhote Shehzade mere, Baab e Hawaij Asghar...(2)

(8) Bakhuda Mesum o Salman aqeeda hain yahi
Apne ammu ki tarah Baab e Hawaij tum bhi 
Hum tumhare naukar
Tumse maange na agar
Phir bhala jaye kidhar..... Baab e Hawaij Asghar

Chhote Shehzade mere, Baab e Hawaij Asghar...(2)

Chhote Hazrat ke bhateeje, Chhote Shehzade mere 
Ya Baab e Hawaij...(2)