Kya Haal Shahe dee'n ka

Kya Haal Shahe Dee,n Ka Us Waqt Huwa Hoga...2

Sughra(sa) Ka Likha Khat Jo..2
Ro Roke Padha Hoga.

Kya Haal Shahe Dee,n Ka Us Waqt Huwa Hoga...2

1- Akbar(as) Ko Dame Rukhsat, Kyu Hichkiya,n Aati Hain....2
Kya Yaad Baradar Ko..2 Sughra(sa) Ne Kiya Hoga.

2- Khat Padhte Huwe Girya, Karte Hain Shahe Wala....2
Kya Dard Khuda Jane..2
Sughra(sa) Ne Likha Hoga.

3- Sughra(sa) Ne Likha Khat Me, Kya Haal Hai Asghar(as) Ka....2
Ab Guthniyo,n Baba Woh..2
Chalne Bhi Laga Hoga.

4- Akbar(as) Ne Kiya Tha Jo, Sughra(sa) Se Dame Rukhsat....2
Aye Baba Batao Kab..2
Woh Waada Wafa Hoga.

5- Tum Aalime Ghaibat Ho, Tumko Toh Khabar Hogi....2
Bimar Ka Furqat Me..2
Kya Haal Huwa Hoga.

6- Eidain Pa Beti Se, Tum Aaye Nahi Milne....2
Is Baat Ka Tumko Bhi..2
Ehsas Bada Hoga.

7- Is Aas Me Ro Rokar, Har Roz Guzarta Hai....2
Ek Roz Mujhe Baba..2
Deedaar Tera Hoga.

8- Ek Bhai Ki Furqat Ka, Ghum Pucho Phuphi Jaa,n Se....2
Ghurbat Ka Meri Unko..2
Lazim Hai Pata Hoga.

9- Akbar(as) Ke Janaze Par, Woh Honge Jigar Thaame....2
Sughra(sa) Tera Qasid Jab..2
Baba Se Mila Hoga.

10- Aye Ahle "Wilayat" Yeh, Shabbir(as) Ne Farmaya....2
Ab Beti Tujhe Jeena..2
Akbar(as) Ke Bina Hoga