Haider ne kaha roke ye abbas se betan

Unneesviñ Ramzan ka mahaul ajab tha
Abbas (as) ka Nauha tha ke haye merey Baba
Us waqt Ali (asws) ne ye kaha apne Pisar se
Aa Karbobala ka maiñ sunauñ tujhe qissa
 
Haider (asws) ne kaha Ro ke ye Abbas (asws) se Beta !
Maiñ dekh raha huñ tera bikhra hua laasha
 
1:Talwaar ka ek waar hua hai mere sar par
Tujh par to baras jayeñge talwaroñ ke lashkar
Aur tukdoñ me hoga mere bachche tera laasha
Maiñ dekh raha huñ tera bikhra hua laasha
 
2) bin haathon kay aayega tu ghodey sey zameeñ per
Sar hoga tera paara merey betey zameeñ per 
Sar tera maiñ aaghosh mein us waqt rakhunga
Maiñ dekh raha huñ tera bikhra hua laasha
 
3) laashey ko terey dekhega to royega Shabbir (as)
Aur dega sadaa aaiye ay Madare Dilgeer
Phir tukdey sametegi teri laash ke Zahra s.a
Maiñ dekh raha huñ tera bikhra hua laasha
 
4) Khanjar jo tere bhai ki gardan pa chalega
Sookhi hui Shaihrag se sadaa aayegi beta
"Dekho meri gardan pa chhuri chalti hai bhaiya"
Maiñ dekh raha huñ tera bikhra hua laasha
 
5) Laa kar terey laashe pa Sakina s.a ko sitamgar
Marengey tamachey wo tere tukdey dikha kar
Aur shimr tujhe dekh kay os waqt hañsega
Maiñ dekh raha huñ tera bikhra hua laasha
 
6) haaris (al) sar e Zainab s.a sey bahayega lahu jab
Faryad karegi wo tera dekh ke Sar tab
Matam to bahot naize pa os waqt karega
Maiñ dekh raha huñ tera bikhra hua laasha
 
7) Aaunga teri qabr pa Abbas asws main har roz
Royega wahañ Nasire dilsoz o jigars bhi tere Rauze pa nauha ye padhega
Maiñ dekh raha huñ tera bikhra hua laasha