Lashe Akbar

1) Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain,
Ye Sabr Ke Haaye Kaese Jaohar Hussain(a.s) Bann Mein Dikha Rahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

2) Ye Kaefiyath Hai Shahe Huda Ki 
Wo Dhoondte Hain Ali(a.s) Ko Apne,
Nazar Nahi Aaraha Hai Kuch Bhi
Wo Thhokre'n Khaaye Jaarahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

3) Hussain(a.s) Kehte The Mere Dilbar
Kahaa'n Ho Aawaz Do Aye Akbar(a.s),
Sada Meri Sunte Kyu'n Nahi Ho
Ghareeb Baba Bula Rahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

4) Kare Bhi Kya Rann Mein Ibne Laela(s.a)
Ke Zaqm Uthne Nahi Hai Deta,
Na Dekh Paayenge Issko Baba
Yu'n Zaqm Akbar(a.s) Chhupa Rahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

5) Hussain(a.s) Phir Dekhte Hain Manzar
Sina'n Ka Phal Hai Jigar Ke Andar,
Nikaale'n Barchhi Ko Kis Tarha Se
Ye Soch Kar Rote Jaa Rahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

6) Main Dekhu'n Sughra(s.a) Hi Ko Baba
Kya Tha Yasrab Mein Usse Waada,
Na Poora Hoga Humaara Waada
Ab Hum Toh Duniya Se Jaarahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

7) Kahaa'n Ho Abbas(a.s) Shere Haider(a.s)
Kahaa'n Ho Qaasim(a.s), Aye Aun-o-Jafar(a.s),
Jo Uth Saka Naa Pisar Ka Laasha
Hussain(a.s) Sab Ko Bulaa Rahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--3

8) Bayaa'n MUQARRIB Ho Humse Ab Kya
Jo Qaasid-e-Sughra Rann Mein Pahuncha,
Tadap Ke QAISER Bahen Ke Qath Ko 
Hussain(a.s) Ro Kar Suna Rahe Hain...

Zayeef Kaandho'n Pe Laashe Akbar (a.s)
Hussain (a.s) Dekho Utha Rahe Hain--4