Buland hote hai shole batool ke ghar ke

Buland hote hain sholay Batool ke ghar se
Yahee wafa hai madeene ki kya Payambar se

1. Shikasta pehlu se behta hua lahoo toh nahi
Lahoo jo poncha hai Zehra ne apni chadar se

2. Hua hai kaise ye pewast gaal me gouhar
Lahoo tapakta hai kaisa Batool gauhar se

3. Aseer karte hain daamade Mustafa ko wahi
Wafa ka daawa tha jinko janabe Sarwar se

4. Ye koun hai ke jo karta hai zulm se jaari
Nabi ki beti pe fatwa Nabi ke mimbar se

5. Chipaayi kyun gayi Zehra ki qabr baat khuli
Hasan ki laash pe yasrab me teer jab barse

6. Jo kaayenat ki maalik hai uski turbat ka
Nishaa’n banaya gaya hai bas ek pathar se

7. Hai aabo daana toh haq mehre Fathima lekin
Hai uska kunba jo sehra me aabe kousar se

8. Safed hogaye kyun sar ke baal Zehra ke
Laee’n ne kya kaha Akbar Nabi ki Dukhtar se