Shabbir ki dukhtar

Dafatan Shabbir ki Dukhtar ka Rona Tham Gaya

Har Ghadi Zulmat ki Manzil se Guzarna Tham Gaya

1. Aabid e Dilgeer se puche Na Haal e Dil koi
Aisa Lagta hai Ki Uska Saa'ns Lena Tham Gaya

2. Zainab e Khasta jigar hai'n Khaak pe Nauhakuna
Baap ki Furqat me Beti ka Machalna Tham Gaya

3. Maadar e Muztar ki Khaatir kya Raha Ab Zeest me
Goad me lekar Sakina ko Sulana tham Gaya

4. Aye Yazeed e Badgohar Ab Chayn se Soyega tu
Bachchi ka ro rokar Baba bulana tham Gaya

5. Ghul huwa k Qaidkhane me Sakina Mar Gayi
Gham me Baba k Musalsal Roz Marna Tham Gaya...

6. Doobkar Apne hi Aa'nsu me 'Wila' mera Qalam
Likh kar Aakhir me Faqat haaye Sakina Tham Gaya