Kaanpi zameen hil gaya, sadme se aasman

Ya Hussain, Ya Hussain
Ya Hussain, Ya Hussain..(4)
Ya Hussain, Shah Hussain, Ya hussain

Kaa'npi zameen hil gaya sadme se aasmaa'n..(2)
Zahra ka laal hogaya..(2), maqtal mein be amaa'n
Kaa'npi zameen hil gaya sadme se aasmaa'n..(2)

1. Maqtal mein be amaan tha shabbir ka badan
sir nange roke kehti thi mazloom ki bahen
bhaiyya tumhare waaste..(2), dhundhu kafan kaha'n

Kaa'npi zameen hil gaya sadme se aasmaa'n..(2)

2. Wo bacche jo rasool ke dil ka sukoon the
darya kanare unke khayaam jal gaye
ummat ne phir bhi di nahi..(2), sadaat ko amaan

Kaa'npi zameen hil gaya sadme se aasmaa'n..(2)

3. Bosa liya hai khaak ne zahra ke laal ka
qurbaan hone dasht mein taara utar gaya
sajda lahu mein tarr hua..(2), roti rahi azaa'n

Kaa'npi zameen hil gaya sadme se aasmaa'n..(2)

4. Dekha badan jo bhai ka teero'n ke darmiyaa'n
dasht e bala ki khaak par zainab ne ki fughaa'n 
baba madad ko aaiyye..(2), bhai hai be amaan

Kaa'npi zameen hil gaya sadme se aasmaa'n..(2)

5. Pyaase ko ek boond bhi paani nahi mila
sukhe gale pe dasht mein khanjar rawa hua
rokar kaha ghareeb ne..(2), ghazi ho tum kaha'n

Kaa'npi zameen hil gaya sadme se aasmaa'n..(2)

6. Bete paas dasht mein maadar jab aayi thi
pamaal laash dekh ke yaawar hussain ki
yaad aagayi batool ko..(2), mohsin ki dastaa'n

Kaa'npi zameen hil gaya sadme se aasmaa'n..(2)