Zindaan mein sogayi hai

Zindañ me soogayi hai beti hussain ki.

Rota tha uska bhai..(2)
Roti rahi phupi...

1.  Wo jo rihaai ka tha armaañ huwa na poora
Zanjeer me hi lipta haye janaza uttha
Bachchi ki maut par toh..(2)
 rooyi hai maut bhi...

2.  Rukhsaar ki musalsal badli hai jiski rangath
Jis par har ek qadam par tooti nayi qayamath
Har pal huwi hai jiski..(2)
Dushwaar zindagi...

3.  Bhai ki laadli thi aamu ki jaan thi wo
Thi wo sukoon e sarwar kunbe ki shaan thi wo
Maañ ke liye thi bachchi..(2)
Aankhoñ ki roushni...

4. Roone peh pehradaari soone peh pehradaari
Karbobala se le kar zindaañ e shaam bhi
Aashoor ki wo jaagi..(2)
Ek pal na soo saki...

5. Baba ka sar jo usne zindaan me hai paya
Kya kya sitam sahe haiñ ehwaal sab sunaya
Ehwaal kehte kehte..(2)
Hai saañs rukgayi...

6. Tum ARSALAN dekho kaisi yeh be basi hai
Seene peh soone wali mitti me soogayi hai
Hai qaid me abhi bhi..(2)
Sarwar ki laadli...