Safar e Shaam Ki Roodaad Sunaoon Kaise

Safar e shaam ki roodaad sunaoon kaise
khoon rota hai qalam, aur bataoon kaise

Mout achi thi yeh Abid(as) na kaha khoon ro ker
sath saadat k bazaroon main jaon kaise

sar bharahna hai phupi aur behan sath mere
chadaar e waris e tatheer uraaon kaise

koi pathar liya ata hai koi teer o tabar
hath hain mere bandhay haye bachaon kaise

apnay ghum bhol gayeen Zainab o Kulsoom Magar
sochti theen k Sakina ko bachaon kaise

Sir e mazloom nahi berhta Sakina ghum hai 
is bayabaan main ussay dhond k laon kaise

Sar bharana pasay pushat bandhay hath mere
aur darbar e yazeedi hai main jaon kaise

Maa'n issi shehar ki shehzadi hua kerti thi
qaidi ban k main ussi shehar main jaon kaise

jab Sakina ko kanizi main manga tha us dum
guzri Sajjad pa kya Joan bataon kaise