Ruqaiyya ujad gayi

Haye muslim haye muslim x 2
Aye muslim-e-gareeb x 2

Karb-o-Bala Se Pehle Ruqaiya ujad Gayi.
​Muslim Ki Lash Kufe -2 Mein Be Aasra Hui.

Kya Haal Kar Diya Hai Safeer-e-Hussain Ka.
Zakhmo Se Choor Choor Hai Damad-e-Murtaza.
Phir Kufa Roney Aayi Hai Beti Rasool Ki.

Logo Zirrah Ko Baich Ke Dena Mujhe Kafan.
Mil Jaein Jab Pisar Mere Pohanchana Tum Watan.
Muslim Ki Pori Koi Wasiyat Na Ho Saki.

Muslim Hai Be Deyar Kissi Ko Nahi Khayal.
Kya Ho Ga Karbala Mein Yeh Kofay Mein Jab Hai Haal.
Syed Shaheed Hota Hai Hanstay Hain Ummati.

Beton Ko Intezar Tha Woh Laut Aaein Gaye.
Behno Ki Eid Ho Gi Galay Jab Lagaein Gaye.
Haye Baba Ke Badlay Unn Se Yateemi Galay Mili.

Do Ungliyon Ke Darmiyaan Dekho To Bhai Jaan.
Are Khanjar Galay Pe Kofay Mein Muslim Ke Hai Rawaan.
Yeh Baat Ro Ke Ghazi Se Shabeer Ne Kahi.

Ik Eid Ke Qareeb Hue Baap Se Juda.
Ik Eid Par Behan Ka Bhara Ghar ujad Gaya.
Abbas Dono Eido'n Pe Rotay Hain Aaj Bhi.

Qabr-e-Batool Par Gayi Ik Khali God Maa.
Sajday Ke Sath Aankh Se Aanso Hue Rawaan.
Umm-Ul-Baneen Ko Jab Yeh takallum Khabar Mili.