Mere Ghar Hai Hussain Ki Majlis

Farsh matam ka me bichaunga ..Mere Ghar hai Husain ki majlis 
Ghar azakhana me banaunga ..mere Ghar hai Husain ki majlis

Aane dunga na kuch pareshani 
Hogi ahle aza ki mehmani 
Ali asghar ki nazr dilwakar 
Baade majlis sabeel ka Pani 

Har azadar ko pilaaunga...mere Ghar hai...

Shahzadi ka ye Karam hoga 
Shahe Wala ka Ghar me gham hoga 
Taaziya hoga sehne khana me
Chath paa Abbas ka Alam hoga 

Ahle dunia ko me dikhaunga..mere Ghar hai Husain ...

Dekho ye hai Husain ka mimbar 
Or ye farshe majlis sarwar 
Or wo mashk hai sakina ki 
Jo bandhi hai Alam ke panje per 

Sare baccho ko ye bataunga ...mere Ghar hai Husain

Naujawano ko parchame maula 
Maao behno ko dunga sar ki Rida 
Baaliyaa bacchiyo ko bantunga 
Or baccho ko jhula asghar ka 

Naame sarwar pa Sab lutaunga...mere Ghar..

Kar Raha hu me matame sarwar 
Zeest ki fikr hai na maut ka dar 
Ab ajal jo bulane aayegi 
Usse keh dunga thodi der thehar

Matame shah karke aaunga.....mere G

Ho koi waqt ya koi mosam 
Khul KE karna hai shah ka matam
Har azadar roke kehta hai 
Zakhme sarwar ka Jo bane marham

Ashk aankho se wo Bahaunga ...mere Ghar

Haye aezaz phir ye paa na saka
Rozaye shaih pa sar jhuka na saka 
Keh Raha hai Husain ka zayer
Kya hua karbala Jo ja na saka

Is baras unko me bulaunga...mere Ghar hai

Chand kheme laga KE rakkhunga 
Chand roze saja KE rakkhunga 
Ek Alam mashka or khake shifa 
Ek masnad pa lake rakkhunga

Ghar ko he karbala banaunga ....mere Ghar hai husain

Binte shahe Madina aayegi 
Sham se wo hazina aayegi 
Sath sajjad or zainab ke 
Ghar me jis dam sakina aayegi 

Nauha Abbas ka sunaunga ..mere ghar

Jo rawayat padhi ye jati hai 
Ye sabhi ko bohtt rulati hai 
Apne bacche ka pursa lene ko 
Ek pehlu shiksta Aati hai 
Sath zehra ke or ek bibi
Apne Bhai ko rone aati hai 
Naam hai jiska saniye zehra 
Shukria Sab Ada Karo uska 
Jis ne qatil ke Ghar me Bhai ka 
Sabse pehle bichaya farshe aza

Unko mehmaan me banaunga....mere Ghar hai Husain ki majlis

Hai ye "ABBAS" ki Dua zehra 
Or "AKBAR" ki ilteja zehra 
Is waba se nijaat mil jaaye 
Jald bulwa lo karbala zehra

Phir ye nauha wahi sunaunga...mere Ghar hai Husain ki majlis

AKBAR SIRSIVI