Muslim Akela Hai

Haye Muslim, Haye Muslim
Haaye Muslim, Haaye Muslim..(2)

Kaha Shabbir Ne Ghazi, Wo Dekho Janib e Kufa
Mera Muslim Akela Hai

Na koi Monis o Yawar, Na Koi Paas Hai Beta
Mera Muslim Akela Hai

Kaha Shabbir Ne Ghazi, Wo Dekho Janib e Kufa
Mera Muslim Akela Hai

1. Mere Bhai Ko Charo'n Samt Se Fojo'n Ne Ghera Hai
Hazaro'n Maarne Wale Hai aur Muslim Akela Hai
Hain Kufi Char Janib aur, Nahi Hai Koi Bhi Apna
Mera Muslim Akela Hai

2. Badi Dushwar Manzil Hai Kabhi Aisa Na Waqt Aaye
Watan Se Door Ghurbat Mein Koi Aise Na Dukh Paaye
Ruqayya hone wali hai, abhi kuch der mein bewa
Mera Muslim Akela Hai

3. Jo Mere Dil Pe Guzri Hai Unhe Batla Nahi Sakta
Tumhari Betiyo'n Ke Saath Kufa jaa Nahi Sakta
Bacha Lein Mere Bhai Ko, Najaf Nazdeek Hai Baba
Mera Muslim Akela Hai

4. Haaye
Kate Hoto'n Ka Uske Khoon Jab Pani Mein Girta Hai
Gira Kar Jaam Pani Ko Badi Hasrat Se Takta Hai
Na Jaane Kitna Zakhmi Hai, Na Jaane Kab Se Hai Pyaasa
Mera Muslim Akela Hai

5. Nazar Aate Nahi Abbas Ko Muslim Ke Shehzade
Mohammad aur Ibrahim Us Ke Saath Nikle The
Kaha'n Par Kho Gaye Dono, Na Jane Kya Hua Aisa
Mera Muslim Akela Hai

6. Yeh Kal Tak Sath The Uske Abhi Sub Hogaye Baaghi
Safeer e Ibn e Haider Ki Ajab Ghurbat Hai Yeh Ghazi
Koi Ghar Se Nahi Nikla, Sada Deti Rahi Zahra
Mera Muslim Akela Hai

7. Siwaye ibn e Urwa Ke Koi Aaya Nahi Aage
Bachane Ko Nahi Aaye Wo Lasha Hi Utha Lete
Kaha'n Khat Likhne Wale Hai, Koi Ab Tak Nahi Aaya
Mera Muslim Akela Hai

8. Mere abbas e ghazi ki behen ka hai yaha'n rauza
tere purse ko maula mai to kufa aa nahi sakta
mai bibi paak daaman ko, tera nauha sunaunga
Mera Muslim Akela Hai

9. Lipat Kar Sheh Ke Qadmo'n Se Kaha Ghazi Ne Aye Maula
Mujhe Pohcha Dein Kufa to Badal Du Shehr Ka Naqsha
Ghareebi Per Mere Bhai Ki, Saara Shehar Hai Hasta
Mera Muslim Akela Hai

10. Haaye,
Kaha AKBER Ye Ro Ro Kar Shah e Wala Ne Ghazi Se
Wo Dekho Baithi Hai Amma Waha'n Daaman Ko Phelaye
Sar e Muslim Ko Seene Se, Lagaye Kehti Hai Zahra
Mera Muslim Akela Hai