Roke shabbir pukare mere bhayya abbas

ABBAS ABBAS MERE BHAI..(2)

Roke shabbir pukare...mere bhayya abbas...(2)
Qatl tum ho gaye mai ho gaya tanha abbas
Roke shabbir pukare...mere bhayya abbas...(2)

1) Aye mere bhai alamdar ho tum lashkar ke
Tum muhafiz bhi ho zamin ho tumhi chadar ke
Zad pe hai zainb o kulsoom ka parda abbas

Roke shabbir pukare...mere bhayya abbas...(2)

2) Pyase bachho ko hai ummid ke tum aaoge
Mashk pani ki abhi khaimo me pohchaoge
Muntazir kahimo k dar pe hai sakina abbas

Roke shabbir pukare...mere bhayya abbas...(2)

3) Jal chuke khaime sare shaame garibaa'n afsos
Karne aayi hai lehad se yahaa'n amma afsos
Loot gai dur watan se meri duniya abbas

Roke shabbir pukare...mere bhayya abbas...(2)

4) Din dhala shaam dhali raat ka sannata hai
Darmiya'n laasho ke masoomo ko khauf aata hai
Kab talak sayyade sajjad de pehra abbas

Roke shabbir pukare...mere bhayya abbas...(2)

5) Har qadam banke rahe mera sahara bhai
Tumne bachpan se mujhe aaqa pukara bhai
Bhai kehdo hume ek baar khudara abbas

Roke shabbir pukare...mere bhayya abbas...(2)

6) Tum wafao ke khuda isliye kehlae ho
Qabza dariya pe kiya pyase palat aaye ho
Ro raha hai tumhe dariya ka kanara abbas

Roke shabbir pukare...mere bhayya abbas...(2)

7) "ARSALAN AZMI IMRAN" bayaa'n ho kaise
Bhai ke samne dum tod diya bhai ne
Seh nahi paaya tha mashkize ka chidna abbas

Roke shabbir pukare...mere bhayya abbas...(2)