Maa Zehra (sa)

Sayyeda, Tahera, Haay Maa Zahra

Hasan Hussain Ki Zakhmi Ghareeb Maa Zahra.
Tamachay Khati Hai Beton Ke Darmiyaan Zahra.

Kamar Ke Sath Shikasta Hoye Hain Bazu Bhi. - 2
Tumhari Tooti Nahi Sirf Pasliyaan Zahra.

Jo Sans Leti Hai Pehlu Mein Dard Bharta Hai. - 2
Keh Ab Tu Le Bhi Nahi Sakti Hichkiyaan Zahra.

Tamacha Mara Hai Zalim Ne Iss Tarha Tum Ko. - 2
Zameen Pe Toot Ke Bikhari Hain Baliyaan Zahra.

Haaye sayyeda...

Hasan Hi Jane Keh Masjid Se Ghar Tak Aate Hoye. - 2
Tamachay Kha Ke Giri Hai Kahan Kahan Zahra.

Chupaye Kaisay Ali Ki Nigah Se Fizza. - 2
Tere Lahu Se Bhira Hai Tera Makaan Zahra.

Kuch Our Hai Dushwari Sans Lainay Mein. - 2
Kahin Jo Sunti Hai Bachoon Ki Siskiyaan Zahra.

Ali Se Poch Rahe Hain Hussain Rotay Hoye. - 2
Kya Taziyane Ke Qabil Hai Meri Maa Zahra.

Koi Salam Ka Deta Nahi Jawab Ossay. - 2
Hai Tanha Fatah-e-Khaybar Ki Qadar Daan Zahra.

Bacha Ke Layi Hai Khanjar Talay Se Apna Imam. - 2
Bari Ameer Thi Zainab Tumhari Maa Zahra.

Hussain tadpe takallum Na Kyun Tah-e-Khanjar. - 2
Tumhare Hath Pe Durron Ke They Nishaan Zahra.