Shaam Ke Zindaan Mey

Shaam ke zindaan mey margayi bintey Husain
Qabr mey Shabbir ko Aayega ab kaisey chain

Boli Sakina liye godh mey baba ka sarr
Haal hai kaisa Mera dekhiye baba Husain

Ruqq pey tamaacho'n ke nishaa' kaan Katey dekhkar
Godh mey rota rahaa sarr e shah e mashraqain

Chaar baras ki kalii pyaas mey Bhi shimr ki
Kaisey tamaachey sahii sochiye aye waaledain

Chauk ke Wo neend se kehney lagi aye phupii
Leney mujhey aagaye fatema ke Noor e ain

Aaj hai soona huwa shaam ka zindaan Kyu
Kya huwi wo baap ko roti thi Jo saari rain

Naa hai Kafan aur naa dafn ka saamaa' koi
Dafn karengey to kaisey Ali ibney Husain

Laasha e qwaahar baraadar na uthaa paayega
Aayiye imdaad ko faatah e badr o hunain

Kehti hai umm e rabaab qaid mey aye laadli
Ut'tho Sakina utho waqt hai ye magrabain

Gaur se sunna zaraa aaj Bhi aye zaayero
Goonjti hai qaid mey baali Sakina ki Bain

Duqtar e Shabbir par aaqri Shabbir ke
Gaib mey Bhi qoon ke aansu bahaatey hai nain

Majlis e Shabbir mey baali Sakina pey sab
royengey *"GAAZI"* sadaa ahley aza e Husain