Beyridaa laasha e Gaazi(As) pey na jaana Zainab(Sa)

Boley shabbir jo paani kabhi paana Zainab
Fateha uspey sakina' ka dilaana Zainab

Baad e aashoor my zinda na rahoonga Rann mey
Tum meri samt se kunbey ko bachaana Zainab

Kehdo baccho'n se madad karney meri aajaaye
Hai abhi laash e jawaa'n mujhko uthaana Zainab

Aag khaimo'n mey lagaayengey Layee'n jab aakar
Merey beemaar ko sholo'n se bachaana Zainab

Laasho'n ke dheyr mey gar seena agar mil na sakey
Apney seeney pey sakina' ko sulaana Zainab

Ek tamaacha bhi na sehpaayegi bachi meri
Shimr se meri sakina' ko bachaana Zainab

Itni gairat hai ke uth uthkey kareyga girya
Beyridaa laasha e Gaazi pey na jaana Zainab

Laash asgar ki agar dekhey to marjaayegi maa
Qabr beysheer ki tum chupkey banaana Zainab

Meri mazloomi ka dunya ko khabar ho behna
Farsh yuu merey museebat ka bichaana Zainab

Karbala aao to ye karna agar baad e rihaa
Merey laashey pey kafan eak udhaana Zainab

Wo masaayab Karey kis tarha raqam *"Gaazi"* ney
Boley shabbir mujhey bhool na jaana Zainab