Abbas Hoon Mai

Mola Ghazi
Abbas Ya Bab Hawaej

Ek hamle hee me auqaat bata doon tumko
Malakul mout ki jholi me sula doon tumko

Sheh ke lashkar ka alamdar.. Abbas Hoo’n Mai

1. Nehr ko rokne ki aisi saza doon tumko
Apne talwaar ka pani mai pila doon tumko
Ek hamle hee me auqaat bata doon tumko
Malakul mout ki jholi me sula doon tumko
Kaash mil jaaye ijazat mujhe ek baar.. Abbas Hoo’n Mai

2. Hausla hai to meri baat se inkaar karo
Jism ko laash me dhal jaane pa tayyar karo
Ho bahadur to mere saamne yalghaar karo
Ek pal ko mera khaihcha hua khat paar karo
Aake dekho koi uss paar se iss paar.. Abbas Hoo’n Mai

3. Mujhse nazre’n koi zaalim na chala paayega
Mujhse takraane ko faulaad ka dil laayega
Jung me mere muqaabil na koi aayega
Ek ishaare hee me wo suye saqar jaayega
Saamne aaye jo marne ko hai tayyar.. Abbas Hoo’n Mai

4. Gar mujhe izne shahe karbobala mil jaaye’n
Jouhare jung dikhaane ki riza mil jaaye’n
Kaash ek baar mujhe izne wigha mil jaaye’n
Phi toh baba ki shuja’ath se dua mil jaaye’n
Is se pehle na rukegi meri talwaar.. Abbas Hoo’n Mai

5. Haidari shaan se talwaar chala sakta hoo’n
Suye dozaq abhi tum sab ko bhaga sakta hoo’n
Rang baba ki shuja’at ka dikha sakta hoo’n
Junge Siffin abhi yaad dila sakta hoo’n
Sab ne samjha tha mujhe Haidre Karrar.. Abbas Hoo’n Mai

6. Saani-e-Haidare Karrar hoon farrar nahi
Sirf naiza hai mere haath me talwaar nahi
Sach to ye hai ke mujhe haath bhi darkaar nahi
Aisa lagta hai ke jeene se tumhe pyar nahi
Koun tum me se hai roke jo mera waar.. Abbas Hoo’n Mai

7. Tha ajab fauje yazeedi me tala tum Faqree
Saare darya ke nigehbaan the gum sum Faqree
Apne andaaz me likho jo rajas tum Faqree
Aur Rehan ka shamil ho tarannum Faqree
Ek hee naare se goonje dar-o-deewar.. Abbas Hoo’n Mai

Sheh ke lashkar ka alamdar.. Abbas Hoo’n Mai