Qausain Pe Raushan Teri Tasveer Hai Zehra s.a.

Qausain Pe Raushan Teri Tasveer Hai Zehra s.a.
Tu Katib e Taqdeer Ki Tehreer Hai Zehra s.a.

1) Phir naqsh musavvir ne banaya nhi aysa
Kaamil teri har tarha se tasveer hai Zehra s.a.

2) Bete bane jannat ke jawano ke jo sardar
Woh bhi to tere doodh ki taseer hai Zehra s.a.

3) Joh rishta risalat ko imamat se mila de
Is rishta e tatheer ki zanjeer hai Zehra s.a.

4) Zehra s.a. ke tawasul se huwa sabka ta'aruf
Kya peshe khuda sahib e tauqeer hai Zehra s.a.

5) Sunkar teri awaaz malak bangaye darzi
Yeh sirf tere hukm ki taseer hai Zehra s.a.

6) Tasbeeh teri padta hai din raat Taqi woh
Taskeen e tazeem hai takbeer hai Zehra s.a.