Aake To Zara Dekho Sakina Pe Hai Jafa

Zindan-e-shaam Se Ye Hi Aati Thi Ik Sada,
Baba Mere Baba Baba Mere Baba,
Aake To Zara Dekho Sakina Pe Hai Jafa,
Baba Mere Baba Baba Mere Baba.

Kaisa Ye Qaid Khana Hai Dam Mera Hai Ghut Ta,
Ay Shah-e-karbala Ay Shah-e-karbala,
Kab Subah Hai Hui Na Khabar Kab Hai Din Dhala,
Baba Mere Baba Baba Mere Baba.

Mare Hain Tamanchey Bhi Sitamgar Ne Mujhi Ko,
Aakar Zara Dekho Aakar Zara Dekho,
Rukhsaron Pe Hain Ab Bhi Tamanchon Ke Wo Nishaan,
Baba Mere Baba Baba Mere Baba.

Kano Se Gaushwarey Bhi Wo Chheen Le Gaye,
Ay Baba Dekhiye Ay Baba Dekhiye,
Zakhmon Se Bahne Lagta Hai Ab Bhi Lahoo Mera,
Baba Mere Baba Baba Mere Baba.

Mujhko Khabar Na Thi K Mera Jal Gaya Kurta,
Ay Shah-e-karbala Ay Shah-e-karbala,
Aankhon Ke Samne Tha Meri Bas Dhuan Dhuan,
Baba Mere Baba Baba Mere Baba.

Pani Dikha Dikha Ke Bahate The Ahl-e-shar,
Ay Shah-e-behr-o-bar Ay Shah-e-behr-o-bar,
Main Khak Pe Tadapti Thi Jaise K Machhliyan,
Baba Mere Baba Baba Mere Baba.

Bandha Tha Zalimon Ne Pas-e-pusht Naqa Par,
Mujhko Mere Padar Mujhko Mere Padar,
Wo Chalta Tha Uski Mere Chubhti Thi Haddiyan,
Baba Mere Baba Baba Mere Baba.

Kaisa 'Raees' Zulm Sakina Pe Ho Gaya,
Haye Mere Maula Haye Mere Maula,
Dekho To Zara So Gayi Kah Kah Ke Sakina,
Baba Mere Baba Baba Mere Baba.