Mere Laal Hussain (as)

Mere Hussain mere Hussain mere Hussain (2)

Pukari Fathima Zehra Aey Khasta Haal Hussain
Tujhe Akela Na Chohdungi Mere Laal Hussain (2)

Aey Mere Lakhte Jigar Yousufe Jamaal Hussain

Tujhe Akela Na Chohdungi Mere Laal Hussain (2)

Jo Dukh Tujhe Hai Wo Kis Tarha Radd Kare Beta (2)
Bata Ye Maa Teri Kaise Madad Kare Beta
Ghareeb Maa Ki Ye Mamta
Ghareeb Maa Ki Ye Mamta Ka Hai Sawaal Hussain
Tujhe Akela Na Chohdungi Mere Laal Hussain (2)

Ye Haal Dekh Kay Mujhko Hijaab Aata Hai (2)
Tu Apni Maa Ko Jo Sukhi Zaban Dikhata Hai
Na Baar Baar Dahen Se
Na Baar Baar Dahen Se Ise Nikaal Hussain
Tujhe Akela Na Chohdungi Mere Laal Hussain (2)

Mein Teri Maa Hun Ye Manzar Na Dekh Paungi (2)
Mein Tera Kat Tay Huway Sar Na Dekh Paungi
Suna Hai Laash Ko Karden
Suna Hai Laash Ko Kardengay Payemaal Hussain
Tujhe Akela Na Chohdungi Mere Laal Hussain (2)

Kafan Mein Lipte Thai Baher Magar Nikale Thai (2)
Tere Galey Mein Teri Maa Ne Haath Daale Thai
Tu Apne Haathon Ko Mere Galey Mein Daal Hussain
Tujhe Akela Na Chohdungi Mere Laal Hussain (2)

Kaha Tha Tu Ne Shahadat Kay Waqt Aane Ko (2)
Mein Aa Gayee Hun Wo Waada Tera Nibhane Ko
Sambhalun Tujhko Mein Aur
Sambhalun Tujhko Mein Aur Tu Mujhe Sambhaal Hussain
Tujhe Akela Na Chohdungi Mere Laal Hussain (2)

Tujhe Khabar Hai Wo Seene Pe Tere Soti Hai (2)
Wo Raah Dekh Rahi Hogi Shaam Hoti Hai
Rakhega Koun Sakeena
Rakhega Koun Sakeena Ka Ab Khayal Hussain
Tujhe Akela Na Chohdungi Mere Laal Hussain (2)

Khadi Hai Teele Pe Zainab Ka Haal Kya Hoga (2)
Jab Uske Saamne Bhai Ka Sar Juda Hoga
Wo Kholde Na Kahin
Wo Kholde Na Kahin Tere Ghum Mein Baal Hussain
Tujhe Akela Na Chohdungi Mere Laal Hussain (2)

Mein Tere Paas Rahun Ya Kay Saath Zainab Kay (2)
Layeen Bandhne Waale Hain Haath Zainab Kay
Tuhi Bata Mein Karun
Tuhi Bata Mein Karun Kis Ki Dekh Bhaal Hussain
Tujhe Akela Na Chohdungi Mere Laal Hussain (2)

Padha Hai Tu Ne Jo Shozab Kalaam Sahil Ka (2)
Ho Is Baras Hi Ziyarat Mein Naam Sahil Ka
Tere Dayar Mein Ho
Tere Dayar Mein Ho Iska Inteqaal Hussain
Tujhe Akela Na Chohdungi Mere Laal Hussain (2)

Pukari Fathima Zehra Aey Khasta Haal Hussain
Tujhe Akela Na Chohdungi Mere Laal Hussain (2)

Tujhe Akela Na Chohdungi Mere Laal Hussain (2)