Merey Baba Kaha'n Ho Baba Kaha'n

Sitam Ki Zad Pey Sakina Ney Ye Dua'a Ki Hai,
Meri Tarah Na Koi Ho Yateem Merey Khuda,
Kisi Sey Chhootey Na Apna Koi Azeez Kabhi,
K Jis Tarah Main Kaha'n Hoo'n Merey Baba Hai'n Kaha'n,

Kah Rahi Thi Ye Ro Ro Sakina - Merey Baba Kaha'n Ho Baba Kaha'n,
Ho Gaya Ab To Dushwaar Jeena - Merey Baba Kaha'n Ho Baba Kaha'n,

Zalimo'n Ne Tama'nchey Bhi Marey,
Chheen Kar Ley Gaye Gaushwarey,
Chain Milta Hai Ab To Kahi'n Na - Merey Baba Kaha'n Ho....

Har Qadam Par Satatey Hai'n Zalim,
Hamko Qaidi Banatey Hai'n Zalim,
Ab Taras Ham Pey Khata Koi Na - Merey Baba Kaha'n Ho....

Nee'nd Bhi Mujhko Aati Nahi'n Hai,
Aap Key Bin Sulati Nahi'n Hai,
Chhut Gaya Aap Ka Jab Sey Seena - Merey Baba Kaha'n Ho....

Kya Isi Ko Hai'n Kahtey Yateemi,
Jo Ajal Ka Hai Kaam Qadeemi,
Sar Sey Saya Bhi Aapka Chheena - Merey Baba Kaha'n Ho....

Ja Key Maqtal Se Wapas Na Aaye,
Ley Gayi Hai Qaza Sabko Haye,
Almadad Kis Ko Boley Yateema - Merey Baba Kaha'n Ho....

Merey Ammoo Kaha'n Par Ho Aao,
Kuchh Taras Meri Ghurbat Pey Khao,
Ab Mai'n Maa'ngoo'ngi Paani Kabhi Na - Merey Baba Kaha'n Ho....

Kesi Mushkil Hai Mujh Par Ye Aayi,
Ya Ali Kariye Mushkil Kushayi,
Hai A'ngoothi Kahi'n Par Nageena - Merey Baba Kaha'n Ho....

Qaid Khaney Me'n Turbat Baneygi,
Aapki Beti Jisme'n Raheygi,
Ab Na Hoga Naseeb Madeena - Merey Baba Kaha'n Ho....

Khoon-e-dil Se 'Raees' Likheyga,
Khoon Aa'nkho'n Se Us Dam Baheyga,
Ro Key Jis Dam Kaheygi Sakina - Merey Baba Kaha'n Ho....