Hashr Tak Hota Rahey Matam Bapa

Anjuman Kulsoom Ki Hai Ye Sada - Hashr Tak Hota Rahey Matam Bapa,
Ta'aqayamat De'n Isey Zahra Dua'a - Hashr Tak Hota Rahey Matam Bapa,

Farsh Majlis Ka Bichhaye'n Hashr Tak,
Gham Tera Ham Sab Manaye'n Hashr Tak,
Hashr Tak Shabbeer Hoga Gham Tera,
Anjuman Kulsoom....

Ham Manatey Hi Rahe'n Zahra Ka Gham,
Gham Me Unke Ho'n Sada Aankhe'n Ye Nam,
Ashk Bankar Hi Bahey Khoo'n Jism Ka,
Anjuman Kulsoom....

Ham Fida Kartey Rahe'ngey Jaan Bhi,
Hai Gham-e-shabbeer Me Elaan Bhi,
Maut Bhi Chahey Ho Is Gham Me'n Saza,
Anjuman Kulsoom....

Ham Tere Sadqey Me'n Hai'n Paida Huye,
Jeetey Hai'n Gham Me'n Tere Mar Jaye'ngey,
Ibteda Bhi Hai Ye Hi Gham Inteha,
Anjuman Kulsoom....

Fatima Zahra Ka Ye Ahsaan Hai,
Gham Bana Inka Jo Apni Jaan Hai,
Ham Hai'n Wo Zahra Ney Jo Ki Thi Dua'a,
Anjuman Kulsoom....

Hashr Tak Likhta Rahey Tera Qalam,
Khoon-e-dil Se Bas Yoo'n Hi Zahra Ka Gham,
Saath Hai Terey 'Raees' Unki Dua'a,
Anjuman Kulsoom....