Terey Hawaley Ye Ujda Chaman Khuda Hafiz

Husain Kah Key Chaley Ay Bahan Khuda Hafiz,
Tere Hawaley Ye Ujda Chaman Khuda Hafiz,

Main Ja Raha Hoon Bahan Laut Kar Na Aaoo'nga,
Galey Pey Tegh Bhi Zulm-o-sitam Ki Khaoo'nga,
Na Karna Mera Tu Ranj-o-mahan Khuda Hafiz,

Khayal Meri Sakina Ka Rakhna Meri Bahan,
Labo'n Pe Us Ke Har Ik Zulm Ke Rahe'ngey Sukhan,
Main Sun Na Paoo'nga Uske Sukhan Khuda Hafiz,

Tujhey Bhi Baad Mere Dar Badar Phiraye'ngey,
Ridaye'n Chheene'ngey Aur Khaimey Bhi Jalaye'ngey,
Hai Zulmato'n Ka Ye Aisa Watan Khuda Hafiz,

Meri Bahan Tujhey Karbal Se Shaam Jana Hai,
Rahey Ye Yaad K Dee'n Tujhko Ab Bachana Hai,
Na Bhoolna Kabhi Mera Sukhan Khuda Hafiz,

Har Ek Gaam Sataye'ngey Ye Layee'n Tujhko,
Khuda Ka Shukr Hi Karna Na Bhoolna Usko,
Sunega Wo Tera Har Ik Sukhan Khuda Hafiz,

Meri Baha Tu Kisi Ko Na Bad'duaa Dena,
Har Ek Zulm Ke Badley Me'n Bas Dua'a Dena,
Ho'n Bazoo'on Me'n Bhi Chahey Rasan Khuda Hafiz,

'Raees' Aankho'n Se Darya Hai'n Khoon Ke Jaari,
Bahan Tadapti Hai Bato'n Pe Bhai Ki Sari,
Bahut Hai Roti Wo Sunkar Sukhan Khuda Hafiz.