Hussain (a.s) Marhaba

Hussain Marhaba

Sultan E Nainava , Mazloom E Karbala
Har Dil ke Hai Sada

1) Allah Ke Deen Par Mushkil Ko Dekh Kar
Mazloom Chal Diya yasrab Ko Chod Kar
Takraya zulm se Khatoon Ka Pisar
Batil Mita Diya Hussain Marhaba

2) Jab Deen Ne barmala Halmin Ki Di Sada
Zehra Ke Laal ne Labbaik kehdiya
Sab Kuch Luta Ke Di Islam Ko Baqa
Kehte the Ambiya Hussain Marhaba

3) Tha Waqt Asr Ka Teerron Ki Sajdagah
Khaliq Ki Bargah Sar Ko Jhuka Diya
Khanjar Tale kiya Shukr e Khuda Ada
Khud keh Utha khuda Hussain Marhaba

Sultan E Nainava , Mazloom E Karbala
Har Dil ke Hai Sada

4)Khanjar Jo Chal Gaya Manzar badal gaya
Zibhe azeem ke Saan'che me dhal Gaya
Khoon e Hussain se Jo Deep Jal Gaya
Roshan Raha Sada Hussain Marhaba

5) Shahid Hai Karbala Jab Khoo'n tera Baha
Banjar Zameen ko Serab Kardiya
Khake shifa bani yu'n Khake Karbala
Hai tera Mojiza Hussain Marhaba

6) Zariya Najaat ka Hai Ghum Hussain Ka Har Ghar me Hai bapa Matam Hussain Ka
Uncha Rahe Sada Parcham Hussain Ka
Jawad Hai Dua Hussain Marbaha


Shehkar e kibriya , Mehboob e Mustafa
Hussain Marhaba - 2
Tanveer e Murtaza ,Zehra Ka ladla
Hussain Marhaba - 2