Laakhon Salam

Mustafa Jane Rehmat Pe Lakhon Salam
Shama E Bazm E Hidayat Pe Lakhon Salam

Wo Madina Jahan Adal Qaim Hua
Mustafa Ki Riyasat Pe Lakhon Salam

Zul-Asheera May Jhuk Kar Yeh Boley Nabi
Aey Chacha Teri Hebat Pe Lakhon Salam

Jis Kay Tukro'n Pe Islam Palta Raha
Us Khadija Ki Dulat Pe Lakhon Salam

Jis Ki Had Say Tulu E Imamat Hui
Ikhtetaam E Nabuwat Pe Lakhon Salam

Kar Kay Faqay Farishto'n May Baanti Ghizaa
Panjetan Ki Sakhawat Pe Lakhon Salam

Baad Mere Yateemo Ka Rakhna Khayal
Murtaza Ki Wasiyat Pe Lakhon Salam

Tujh Ko Rab Kay Muhammad Ney Madar Kaha
Fatima Teri Ismat Pe Lakhon Salam

Aik Piyase Ney Nok E Sina Per Ju Ki
Aesi Zinda Tilawat Pe Lakhon Salam

Lay Kay Qabzay May Dariya Tu Piyasa Raha
Aey Sakhi Teri Gherat Pe Lakhon Salam

Ju Daleel E Wujood E Khuda Ban Gayi
Maula Mehdi Ki Ghaibat Pe Lakhon Salam

Jaisi Salman O Fizza Ney Darvaish Ki
Ishq Ki Us Riyazat Pe Lakhon Salam