Hogaye Qatl Haye Sher E Khuda

Waa aliaa ki aa Rahi hai sadaa
Ho gaye qat haye Shir -e- khudaa

Shor -e- matam fizaa me hai barpaa
Ho gaye qat haye Shir -e- khudaa

Zer -e- turbat hain ashkbaar rasool
Ro Rahi hai tadap ke ruh -e- batool
Sar pa hai Murtaza ke zakhm lagaa

Ibn -e- muljim ne tegh maari hai
Sar se Haidar ke khoon jaari hai
Haye kaisa laein ne zulm Kiya

Chin gaya hai Hasan ke Dil ka chain
Ro rahe hain tadap tadap ke Husain
Uth gaya sar se baap ka sayaa

Dill pa zainab ke kya guzarti hai
Gham se kulsoom aah bharti hai
Baad maa,n ke na ab raha babaa

Kyon na royen mubashshir o Rizwan
Zabt karna nahi ye gham aasaan
Aj dunya se uth gayaa maulaa