Hussain Aur Sabr

Har Ek Kadam Pa Sab'r Dikhaya Hussain Ne.


Ek Do Pahar Me Ghar Ko Lutaya Hussain Ne

1)
Qatil Ko Jaam E Shir Pilaya Ali Ne Tha.
Lashkar Jafa Ka Pyasa Jo Shabbir Ko Mila.
Ye Jante The Pyasa Rakhenge Ye Ashqiya.
Dushman Ko Fir Bhi Pani Pilaya Hussain Ne.

Har Ek Kadam Pa Sab'r Dikhaya Hussain Ne.

2)
Burrer Ho Mazahir O Hur Ho Ke Ausaja.
Aabis Ho Ya Zoher O Wahab Ho Ya Zurgama.
Galte The Khu'n Me Sare Hi Ansaar O Akraba.
Tanha Har Ek Lasha Uthaya Hussain Ne.

Har Ek Kadam Pa Sab'r Dikhaya Hussain Ne.

3)
Tera Baras Ka Ladla Jiteji Mar Gaya.
Ghode Se Jab Gira Tha To Zinda Tha Mahelaka.
Zinda Hi Usko Zulm Ne Pamaal Qar Diya.
Tukdo'n Se Ek Laasha Banaya Hussain Ne.

Har Ek Kadam Pa Sab'r Dikhaya Hussain Ne.

4)
Zainab Ke Dono Ladle Makhtal Me Ghir Gaye.
Talwar O Teer O Naizo'n Se Zakhmi The Ladle.
Godi Me Unke Lashe Liye Shah The Khade.
Jinko Tha Godio'n Me Khilaya Hussain Ne.

Har Ek Kadam Pa Sab'r Dikhaya Hussain Ne.

5)
Akbar Ki Lash Par Yu'n Gaye Shah E Bhero Bar.
Har Ekse Puchte The Mera Laal He Kidhar.
Beenayi Ja Chuki Thi Ke Sadma Tha Is Kadar.
Sadma Ye Dil Pa Apne Uthaya Hussain Ne.

Har Ek Kadam Pa Sab'r Dikhaya Hussain Ne.

6)
Zoor E Qamar Jari Tha Jo Darya Pa So Gaya.
Gazi Ke Sar Ko Goad Me Shabbir Ne Liya.
Dekha Jo Aasmaan Ki Jaanib Fir Ek Dafa.
Suraj Ko Apna Chand Dikhaya Hussain Ne.

Har Ek Kadam Pa Sab'r Dikhaya Hussain Ne.

7)
Akbar Ke Dil Ka Khun Diya Kaat Ke Jigaar.
Asgar Ka Khun Pesh Kiya Muhh Pa Mal Qar.
Bazu Jari Ke De Diya Islaam Ke Magar.
Sukhe Shajar Ko Fir Se Khilaya Hussain Ne.

Har Ek Kadam Pa Sab'r Dikhaya Hussain Ne.

8)
Abbas Or Haqir Ye Shah Ka He Moa'jiza.
Har Ek Mazhab Se Aate He Zawwar Is Jaga.
Har Ek Ka Dil Ye Kheta He Gairat Ka Ba Khuda.
Karbobala ko qibla banaya Hussain ne.

Har Ek Kadam Pa Sab'r Dikhaya Hussain Ne.