Ya panjetan

Innama yureedullahu li yudhhiba ankumur-rijsa, ahlal bayti way u tahhirakum tatheera

(Ya mustafa, ya murtaza, ya zahra, ya hassanain) x2

1.     Tumhaare naam ke sadqe mei, Mile hai(n) dono jahaa(n) humko

Tumhare naam ki hai ye zami(n), mila hai tumse qura(n) humko

Kiya hai rab ne karam apna, tumhaare khatir aalam par

Tumhare noor ke qatro(n) se, mila hai noor-e-jahaa(n) hamko

(Ya mustafa, ya murtaza, ya zahra, ya hassanain) x2

2.     Wo kaysa zakhm-e-judaayi tha, Nabi ke paak gharaane par

Ghame firaaqe mohammed ko, kabhi na bhool sake haider

Sahara Fatemah ka hai china, gale mei haider ke rassi

Fidak ko chheen chheenenge zalim, jalega tera yaqeenan dar

(Ya mustafa, ya murtaza, ya zahra, ya hassanain) x2

3.     Azeem rab ki qasam khaakar, nahi hai isme koi bhi shak

Ali ki tarha bahaddur to, jahaa(n) mei koi nahi ab tak

Nahi mukammal inke bina, payghaam-e-Ahmed deen-e-khuda

Ali ke naam pe chalta hai, ye kayinaat ka har maslak

(Ya mustafa, ya murtaza, ya zahra, ya hassanain) x2

4.     Wo dar ko kyu(n) nahi pehchaana, jise rasul bhi bosa de,

Wo dar jalaya zalim ne, jaha pe maut ijaazat le,

Wo pasliyo(n) pe giraya dar, ye kaysa waqt hai zahra par

Ke ghash me binte payambar thi, wo darpe fizza sadaae de

(Ya mustafa, ya murtaza, ya zahra, ya hassanain) x2

5.     Urawo khaak azadaro, ye matami ka taqaza hai

Abhi firaaqe zahra ka, jigar me zakhm bhi taza hai

Jigar ke tukre waha nikle, kafan hai aapka khun me tarr

Nahi hai jurm siwa iske, ye mujtaba ka janaza hai

(Ya mustafa, ya murtaza, ya zahra, ya hassanain) x2

6.     Wohi Hussain jisse ahmed, dete the gardan par bosa

Wo jalti rayt pe karbal me, para hai zahra ka jaaya

Gala hussein ka pyaasa hai, jo kund khanjar se hai kata,

Shimar laeen tha sine par khanjar jo has ke chalata tha

(Ya mustafa, ya murtaza, ya zahra, ya hassanain) x2

7.     Ye kayse log the karbal me, khudara zulm hai ye kaysa,

Jo mustafa ka tha pyaara, ussi hussein ko hai maaraa

Ab imtehan hai ye logo, abhi hai shaam abhi kufa

Ali ki betiya(n) hai dar dar, hujoom ghayr ka hai saaraa

(Ya mustafa, ya murtaza, ya zahra, ya hassanain) x2

8.     Zamana dekh raha hai ab, teri duao(n) me kya dam hai,

Ke do jahaan mei ay zahra, tere Hussain ka matam hai

Rakhenge zinda qayamat tak, Yahi "Tejani" ka wada hai

Kabhi na hoga ye gham kam, hamare sine me ye dam hai

(Ya mustafa, ya murtaza, ya zahra, ya hassanain) x2