Koi Abbas saa

Koi Abbas (a.s) sa doosra hai to la
Iske parcham ke jaisi hawa hai to la

Aakhri sar urakar yeh bola jari
Aur lashkar mein koi bacha hai to la

Woh jo dariya pe khencha tha Abbas (a.s) ne
Koi uss khat se aage barha hai to la

Hath tujhse milaonga main shauq se
In se tune Alam ko chhua hai to la

Dekh koi maraz laa Ilaj ab nahi
Ghar mein thori si khaak-e-shifa hai to la

Is zameen par to jannat hai Karbobala
Aasmaa'n par koi Karbala hai to la

Maar kar mounh pe sajday yeh bola Khuda
Ishq tune Ali (a.s) se kiya hai to la

Main to Shia hoon likha hoon Quran mein
Tera Quran mein tazkira hai to la

Bola Fitrus main misli kyun na kahoon
Meri tarah se koi uda hai to la

Dekh Shajra Hai Chehre Pe Zeeshan Ka
Tera shajarah kaheen pe likha hai to la