Gham E Karbala

Haal dil ka shab e Ashur suna lo Zainab s.a.
Bhaizinda hai abhi khud ko sambhalo Zainab s.a.

Toot jayegi kal Akbar k jigar mein barchhi..
Aj ki raat kaleje se lagalo Zainab s.a.

Khaime jal jayenge kal sirf andhera hoga..
Aj khaime mein charagho'n ko jalalo Zainab s.a.

Kal rasan hogi toh matam bhi na kar paogi..
Hain abhi hath khuley sog manalo Zainab s.a.

Dekh kar sadme se Ghazi mera mar jayega..
Tumko Amma ki qasam a'nsu chhupalo Zainab s.a.

Hain salamat abhi Abbas a.s. k dono bazu..
Khak e ghurbat abhi sar par nahi dalo Zainab s.a.

Kal ye sojayega dariya par kata kar bazu..
Pas Abbas a s. ko kuchh der bithalo Zainab s.a.

Aakhiri shab hai meri aati hai yaad Amma ki..
Tum hee Amma ki tarah pas bulalo Zainab s.a.

Kal se isko mera Seena nahi Milne wala..
Apne pehlu mein Sakina s a. ko sulalo Zainab s a.

Mere laashe pa bhi kal rone na denge zalim
Aj dil khol k tum ashk bahalo Zainab s.a.

Sheh ne rote huvey Zainab s.a. se kaha Meer Hilal..
Farsh e matam mera khaime mein bichhalo Zainab s.a.