Adrikni Ya Imam

Har muntazir ki hai yahi awaz subh o sham
Adrikni ya imam..
Parde se le ke aayiye ab haideri husaam
Adrikni ya imam..

1)parda rukhe Haseen se agha hataiye
Aye waqt ke hussain Zara jald aayiye
Sairab ham ko jaam e ziyarat se kijiye
Ankhe'n ye Kab se deed ki khatir hai tashna kaam...
Adrikni Adrikni ya imam...

2)piyasa jise shaheed kiya uska wasta
Chini gayi thi jis ki Rida uska wasta
Ruqsar jis ka khoo'n se bhara uska wasta
Aa kar imam lijiye Shoda ka inteqam...
Adrikni Adrikni ya imam...

3)lasho pe lashe mola uthayenge Kab talak
be jurm ham galo ko katayenge Kab talak
Awaz alajal ki lagayenge Kab talak
Zulmo sitam ki keyje hukumat ko ab tamam..
Adrikni Adrikni ya imam...

4)tooti thi jaise pasliya'n binte rasool ki
Hai aaj waise qabr bhi tooti padi huwi
Turbath pe ek charagh bhi roshan nahi koi
Veeraniya baqiya ki kehti hai subho sham...
Adrikni Adrikni ya imam...

5)aye mehdi beqarar dil shad kijiye
Baba ke qatilo ko saza jald dijiye
Aur aa ke badla ammu ke shano ka lijiye
Ek bachi qaid khane se karti hai ye kalam..
Adrikni Adrikni ya imam...

6)dil khol kar hussain ka matam Karenge ham
Aur aap se hussain ki ghurbat sunenge ham
Labbaik ya hussain wahan par Kahenge ham
Kabe me keyje majlis e sarwar ka ehtemam...
Adrikni Adrikni ya imam...

7)hoo arbaeen aisa bhi aqa hame naseeb
Hamrah jaye apke karbobala ghareeb
Matam kare hussain ke roze ke ham khareeb
Ek arzo ye rakhte hain sab aapke ghulam...
Adrikni Adrikni ya imam...

8)Nayab jo apka hai wo muqthar e waqt hai
Be khauf ladh raha hai jo dushman se deen ke
Rakhte bugz log ussy Khamenei se
Uthti hain us pe apno ki ab ungliya imam..
Adrikni Adrikni ya imam...

9)har zakir e hussain ko Arham Payam do
Mazloomiyat imam ki har dam baya'n karo
Mehwe bayan qaim o dayeem zaban hoo
Wo chahe noha marsiya hoo ya ke hoo Salam...
Adrikni Adrikni ya imam...