Haal Kya Ho Gaya Sakina Ka

Sakina….

Main Sakina Hoon Dekhiye Baba,
Haal Kya Ho Gaya Sakina Ka,

Jab Se Utha Hai Aap Ka Saaya,
Haal Kya Ho Gaya Sakina Ka..

1) Mere Rukhsaron Ki Tarha Itne,
Zakhmi Rukhsar Jo Tumhare Hai’n,
Meri Tarha Tumhein Bhi Zalimo Ne,
Haaye Kitne Tamache Mare Hai’n,
Haal Kya Ho Gaya Tera Baba,
Haal Kya Ho Gaya Sakina Ka..

2) Jab Huye Zibha Aap Maqtal Mein,
Mar Gayi Thi Mai Jeete Jee Usdin,
Aap Ke Baad Sham Tak Chal Kar,
Zinda Aa Jana Kab Yeh Tha Mumkin,
Chal Ke Aaya Hai Yeh Mera Lasha,
Haal Kya Ho Gaya Sakina Ka..

3) Kya Batau’n Tumhari Beti Ko,
Shaam Mein Shimr Kaise Laya Hai,
Kabhi Ghodo’n Ke Saath Daudaya,
Aur Kabhi Naaqe Se Giraya Hai,
Choor Zakhmo Se Hai Badan Saara,
Haal Kya Ho Gaya Sakina Ka..

4) Jaise Baloon Se Sar Tera Pakda,
Waise Baalo’n Se Mujh Ko Pakda Gaya,
Haath Rangeen Jo Tere Khoon Se The,
Unhi Haatho’n Se Mujh Ko Jakda Gaya,
Shimr Aise Mujhe Satata Raha,
Haal Kya Ho Gaya Sakina Ka..

5) Tang Rasi Mein Tha Gala Mera,
Bolti Hoon Tu Bola Jata Nahi,
Pyaas Se Khushk Thi’n Rage’n Pehle,
Ab Ghuttan Hai Keh Saans Aata Nahi,
Hai Abhi Tak Mera Gala Dukhta,
Haal Kya Ho Gaya Sakina Ka..

6) Pusht Par Neel Taziyano Ke,
Kaise Baba Tujhe Dikhau’n Mai’n,
Aur Shano Pe Zakhm Naizo’n Ke,
Kitne Hai’n Baba Kya Bataau’n Mai’n,
Zalimo Ne Mujhe Bohat Maara,
Haal Kya Ho Gaya Sakina Ka..

7) Zakhmi Rukhsaro’n Par Mere Jis Dam,
Phuphi Amma Ke Ashk Girte Hai’n,
God Se Unn Ki Uth Ke Dekhti Hoo’n,
Ro Ke Sajjad Sar Ko Peet Te Hai’n,
Kehti Hai’n Jab Yeh Zainab-E-Kubra,
Haal Kya Ho Gaya Sakina Ka..

8) Chup Hui Beti Haye Joun-O-Asad,
Baap Ke Sar Ko Dukh Sunate Huwe,
Uth Ke Bolo Yeh Ro Ke Kehti Thi,
Zakhmi Beti Ko Maa Hilate Huwe,
Bhai Lasha Utha Ke Kehta Tha,
Haal Kya Ho Gaya Sakina Ka..